I-FLEX
ni Jun Nardo
MAKIKILAHOK sa bakbakan ng politika ng Pasig City ang target ng aktres na si Ara Mina sa local elections sa Mayo.
Marami ang nagulat na taal na taga-Pasig City si Ara na ang unang pinuntirya sa politika eh ang Quezon Cty. Pero hindi pinalad.
Isa si Ara sa tumatakbong konsehala sa Pasig Cty under mayoralty candidate na si Sarah Discaya, ang babangga sa incumbent mayor na si Vico Sotto.
Pareho ng advocacies sina Ate Sarah at Ara na lahat ng sectors sa Pasig eh kanilang tutulungan – seniors, PDW, women empowerment at marami pang iba.
At pareho sina Ara at Ate Sarah ng layunin, gawing Smart City ang Pasig para masiguro nilang konektado ang Pasigueno sa serbisyo ng LGU.
Dahil laking showbiz si Ara, taos-puso ang gagawing paglilingkod sa Pasigueno at kung sakaling palaring mahalal bilang Konsehala ng Pasig City, siguradong malinis ang gagawing panunungkulan!
