McCoy nabaliw, nalito sa In Thy Name

RATED R
ni Rommel Gonzales

NAPAKABIGAT at napaka-intense ng mga eksena ni McCoy de Leon sa pelikulang In Thy Name.

“Actually nakakabaliw po talaga, nakaka-confuse sa utak po.

“Kasi madali po gawin ‘yung mga physical na movement like pagiging soft ko lang as Father Rhoel and siguro ang nakatulong sa akin dito ‘yung sobrang pagiging religious person talaga.

“Ito talaga ‘yung reason, naging faith ko talaga na nagpatulong ako sa Diyos at kay Father Rhoel na malagpasan ko ito, maitawid ko itong pelikula.

“Kung napapansin niyo po si Father Rhoel tahimik lang siya, ibinigay ko ‘yung parang tahimik na atake ng isang character.

“Based kasi sa research namin na natutunan ko kay Father Rhoel sobrang soft-spoken niyang tao and sabi ko paano ko siya magiging strong as a person, si Father Rhoel sa pelikula?

“Iyon lang pala ‘yung sagot, ‘yung faith, ‘yung pinaingay ko sa kanya, kaya kung mapapansin niyo ‘pag iiyak ako pinipigilan ko, ‘pag iiyak ako ayokong ipakita sa mga kasamahan kong survivor.

“IIyak lang ako ‘pag mag-isa ako, ‘pag walang nakatingin.     

“Kaya iyon siguro nakatulong din po na medyo naka-relate ako kay Father Rhoel, na malapit sa akin iying natutunan ko ‘yung history niya, paano siya makitungo sa tao.

“Hindi ko na maisa-isa pero alam mo ‘yung feeling na hindi mo naman kamag-anak pero parang konektado kami?”

Mula sa direksiyon nina Caesar Soriano at Rommel Ruiz, kasama rin sa  In Thy Name sina Mon Confiado, Aya Fernandez, Kenken Nuyad, Jerome Ponce, Yves Flores, Ynez Veneracion, Kat Galang, Pen Medina, Alex Medina, Soliman Cruz, at JC de Vera at marami pang iba.

Mula ito sa Viva Films at sa GreatCzar Media Productions at palabas ngayon sa mga sinehan.