HATAW! D'yaryo ng Bayan hatawtabloid.com
RATED R
ni Rommel Gonzales
MAY paglilinaw si Tony Labrusca sa mga nag-aakalang Kapuso na siya ngayon at umalis na sa ABS-CBN.
Napapanood na kasi si Tony bilang isa sa mga leading men ni Herlene Budol sa GMA series na Binibining Marikit.
Pero hindi lumayas si Tony sa ABS-CBN.
“Well, technically, I don’t know if I’m Kapuso, I don’t even know how this works, just cause we were offered this show and we asked permission and they said okay.
“So for now, I think maybe it’s just…”
Hindi rin per project ang kontrata niya sa GMA.
“I mean, there is no contract,” rebelasyon ng hunk actor. “Hiniram lang.”
Sino ang manager niya ngayon?
“Star Magic and Kuya Mario Colmenares.”
Kaya hindi rin siya artist ng Sparkle na talent arm ng GMA.
“Hindi po.”
Ano ang magiging reaksiyon niya kapag in-offer-an siya na maging isang Sparkle artist?
Aniya, “I honestly don’t know how to react.
“So I think right now, I just wanna focus on what’s been given to me and I really just wanna…
“Gusto ko lang talaga galingan itong ibinigay sa akin, kasi napakagandang project, napakamagandang project, maganda rin ‘yung time slot and so ayun.
“I wanna do my best and sana matuwa ‘yung mga tao sa mga mapapanood nila.”
Kasama nina Tony at Herlene sa Binibining Marikit sina Pokwang at ang male pageant winner/model-turned-leading man na si Kevin Dasom, at sina Almira Muhlach, Thea Tolentino, John Feir, Ashley Rivera, Jeff Moses, Migs Almendras, at Cris Villanueva.
Sa direksiyon ni Jorron Lee Monroy napapanood ang serye mula Lunes hanggang Sabado, 2:30 p.m. sa GMA Afternoon Prime at para naman sa Pinoys abroad ay via GMA Pinoy TV.
