HATAW! D'yaryo ng Bayan hatawtabloid.com
MATABIL
ni John Fontanilla
PAPURI ang natatanggap ng musical play na Subtext na likha ng international film director and writer nai Njel De Mesa na nanalo ng 1st Prize sa Don Carlos Palanca Awards for Literature.
Naging isang full-length movie ito at ngayo’y isa nang nakakikilig na musical.
Ang kuwento ay tungkol sa pakikipag-relasyon at komunikasyon. At ngayon nga ay ginawa itong musical na may mga bagong orihinal na mga awitin na isinulat ni Direk Nijel.
Ilan sa mga awitin ay ang Ayoko Na, Talo, Ewan Ko, Meron Din Kaya, Ayoko na Hindi Ikaw na ang musical arrangements ay ginawa ng singer and composer na si Jopper Ril ng La Familia Band.
At sa husay ng cast ng musical play na kinabibilangan nina Shane Santos, Cherry Morena, Ced Recalde, Karl Tiuseco, Gaye Angeles, at Jiro Custodio (NET25’s Star Kada) ay papuri ang ibinibigay ng mga taong nakapanood na nito at mas marami pang na-eengganyong manood.
Huwag palampasin ang kanilang natitirang performances sa Pebrero 8, at 15, 2025, sa Sikat Studios Main Hall sa 305 Tomas Morato, Quezon City.
