PUSH NA’YAN
ni Ambet Nabus
BINURA na ni Cristine Reyes ang kanyang birthday post at dumedma na rin siya sa mga batikos ng netizen.
Grabeng bashing kasi ang inabot ng sexy actress matapos niyang batiin ang sarili kasama ang pag-RIP kay Barbie Hsu, na ayon sa kanya ay childhood “hero o idol” niya.
“Maraming magagaling sa bansang ito,” bahagi pa ng kanyang isinagot sa mga basher na tinawag na, “uncalled for at disrespectful” ang ginawa niyang pagbati sa sarili pero may “RIP” sa yumaong Taiwanese star na nakilala at hinangaan ng mga Pinoy dahil sa Meteor Garden tv series.
Kagaya dati nina Alex Gonzaga at Jessy Mendiola na inabot din ng matinding bashing dahil sa birthday at RIP posts nila, pinayuhan na lang si Cristine ng mga nakakakilala na palipasin at huwag nang pahabain pa ang usapin.
