Herlene pag-aagawan ng 2 lalaki sa bagong serye

PUSH NA’YAN
ni Ambet Nabus

AY ang taray ni Herlene Budol dahil dala-dalawa ang kanyang leading men sa bago niyang series sa GMA 7.

Makakasama nga ni Herlene sa Binibining Marikit sina Tony Labrusca at Kevin Dasom, mga laking abroad kaya’t walang kiyeme sa mga eksenang gagawin nila with Herlene.

Marami nga ang naaliw nang umamin si Tony na siya pala ang naglabas ng dila sa naging kissing scene nila ng komedyana.

Minsan na rin kasing naging isyu noon kay Herlene ang kagayang eksena lalo’t tila may “malisya” ang pagkakalahad niyon ng naging leading man niya sa isang serye.

But this time, mukhang excited at game pa si Herlene although pinapa-alalahanan niya ang lahat na afternoon time slot sila sa Kapuso Network at mga eksenang naughty-naughty lang daw ang halikan, harutan, at landian.

“Hindi po ‘yun ang pokus ng istorya namin. Aliwan lang talaga,” sey pa nito.

Aba naman, kung mga hunk actor gaya nina Tony at Kevin ba naman ang makaka-eksena mo sa harutan at aliwan, mag-iinarte ka pa ba hahahaha!