Fans ni Liza desmayado sa pagsasantabi sa kanila 

PUSH NA’YAN
ni Ambet Nabus

“HINDI na kasi tayo ang target audience niya,” sigaw ng mga dating tagahanga ni Liza Soberano na nalulungkot sa balitang tila lumamlam na talaga nang lubusan ang ‘ningning’ ng aktres. 

“Siyempre iba na ang focus ng karir niya. She is in a different path and she wants to prove that she belongs to the international scene,” dagdag pa ng mga nadesmaya sa aktres.

Nasa bansa ngayon si Liza at bukod tanging ang mga close friend niya ang muling binibigyan ng oras para maka-bonding.

After ngang lumabas ang mga balitang ina-unfollow na rin niya sina James Reid at Issa Pressman at mukhang obvious na kinampihan niya si Jeff Oh na may problema sa una, wala na ngang masyadong news on Liza.

But to be fair, kilala si Liza sa ibang bansa gaya sa Singapore na based ang artist agency na nangangalaga ngayon sa career niya.

May mga project din siyang ginawa sa Thailand at Indonesia and soon may mga lalabas daw muling “small roles” sa ilang USA-based shows.

“Parang ginagawa na lang niyang bakasyunan ang Pilipinas,” sey pa ng mga naghihintay sa kompirmasyon ng aktres ukol sa napapabalitang split up nila ni Enrique Gil.