Marian Rivera muling pumirma ng kontrata sa Luxe Beauty 

SHOWBIZ KONEK
ni Maricris Valdez Nicasio

MALAKI ang pasasalamat ni Marian Rivera dahil sa ikalawang pagkakataon muli siyang pinagkatiwalaan ni Ms Anna Magcawas ng Luxe Beauty and Wellness Group.

Noong Huwebes, muling pumirma ng kontrata si Marian sa Luxe Beauty na celebrity endorser ng Ecran De Luxe Silicon Sunscreen Gel. Dumalo sa contract renewal sina Jacqui Cara, Triple A Management Head of Operations and Sales, Triple A President and CEO Mike Tuviera, at Jojo Oconer, CFO and COO of Triple A.

“Super excited ako na nandito today with Ecran de Luxe. Over the past one year sobrang dami na nating na-achieve together. At naniniwala ako sa magandang layunin ng Ecran de Luxe na most trusted sunscreen sa market today.

“Lagi ko sinasabi na ang partnership hindi lang tungkol sa negosyo. Malaki ang tiwala ko kay Ms Anna.

“We have exciting projects ahead and hindi na po ako makapaghintay na mai-share iyon,” ani Marian.

Idinagdag pa ni Marian na excited siya sa opportunity na magpatuloy, mag-grow at mag-innovate.

“Ang Ecran kasi laging forward-thinking at marami kaming na-achieve before,” sabi pa ng aktres.

Sinabi naman ni Ms Anna na maraming factors ang pumasok sa desisyon na makipag-partner kay Marian.

“Maraming factors, una  na ‘yung pagiging incredible ambassador ni Marian. Ang kanyang influence, authenticity, at creativity ay key drivers ng success namin,” wika ni Ms Anna.

“Pero bukod doon, ang pinakamahalaha is ‘yung alignment ng values. Si Maria  kasi embodies everything na gusto naming ipag-stand as a brand. At ‘yung connection na ‘yon ang isa sa major reason kung bakit sobrang effective ng partnership namin,” wika pa ng may-ari ng Luxe Beauty and Wellness Group.

Tiniyak naman ni Marian na marami ang matutuwa sa exciting plans nila ng Luxe. “I’m sure sobrang saya nila kapag nakita nila kung ano ang mga pinagkakaabalahan ng Ecran team para lamang sa mga loyal luxers.”

Sa huli sinabi naman ni Ms Anna na, “we’re excited for what the future holds with this continued partnership. 

“Ms Marian and Ecrab de Luxe will be making some big moves in the coming months and we can’t wait to share more with all of you.”