Gela Atayde pasadong host sa Time To Dance

John Fontanilla January 22, 2025 Entertainment, Music & Radio, TV & Digital Media

MATABIL
ni John Fontanilla

PASADO bilang baguhang host ang tinaguriang New Gen Dance Champ na si Gela Atayde sa pinakabagong reality dance contest ng ABS CBN Studios at Nathan Studios na nagsimulang mapanood last Saturday, ang Time To Dance.

Tama ang tinuran ni Robi Domingo na mahusay si Gela bilang baguhang host.

Malayo nga ang mararating ni Gela when it comes to hosting kung magpo-focus ito at mabibigyan pa ng ibang hosting job.

Speaking of Time To Dance, very exciting at maganda ang pagsisimula nito at kaabang-abangan ang mga mangyayari lalo’t mahuhusay ang mga contestant dito.

Masarap din panoorin at malaman ang kuwento ng buhay ng mga contestant at dahilan kung bakit sila sumali sa Time To Dance.

Kaya abang-abang lang tuwing Sabado at manood ng Time To Dance na makakasama rin dito nina Gela at Robi bilang Dance Coach sina Vimi Rivera ng Legit Status, Ken San Jose (na produkto ng World of Dance PH), AC Bonifacio, at ang total performer na si Darren Espanto.

Ang Time Dance ay mapapanood sa Kapamilya Channel, Kapamilya Online Live, A2Z, MYX, at WantTFC.