I-FLEX
ni Jun Nardo
MASASAKSIHAN na ng manonood ang award-winning movie ng Nathan Studios na Topakk matapos ng ipalabas sa international film festivals gaya ng Cannes, Locarno, at Austin.
Isa sa official entries ngayong MMFF 2024 ang Topakk kaya mararamdaman ng viewers ang hagupit ng action scenes ni Arjo Atayde at ng mga kasama sa movie na idinirehe ni Richard Sommes.
Hinangaan ang performance ni Arjo sa nasabing festivals na personal niyang pinuntahan hindi lang sa maaksiyong eksen kundi sa dramatic highlight niya.
Idagdag pa sa movie ang presence ni Julia Montes na napasabak din sa mahihirap na labanan, takbuhan at non-stop bardagulan.
Marami pang kasamang artista sa movie na ibinigay nang todo ang husay sa action scenes na matagal nang hindi nakikita sa big screen ng mga action afficionado.
