Rufa Mae may warrant of arrest din

MA at PA
ni Rommel Placente

SA kasong syndicated staffa na kinakaharap ni Neri Naig Miranda ay nadadawit ang pangalan ni Rufa Mae Quinto. Umano’y may warrant of arrest din ang komedyana.

Ayon sa aming source, ikinagulat ni Rufa Mae ang balitang iyon nang makarating sa kanya.

Pauwi na si Rufa ng ‘Pinas para linisin ang pangalan niya.

Anytime raw ay maglalabas ng statement ang abogado ni Rufa Mae hinggil sa isyung ito.

Sa pagkakaalam namin, endorser lang si Rufa niyong product na may isyu ang owner nito. Hindi siya isa sa may-ari. 

Kaya nagtataka kami kung bakit may warrant of arrest din siya gaya ng inihain kay Neri.

Sana ay malinis ang name ni Rufa sa pamamagitan ng kanyang abogado. Sana gaya ni Neri, na naging malapit sa amin, ay pareho nilang malusutan ang kasong kinakaharap ngayon.