PATAY ang isang 36-anyos sundalo mula sa lungsod ng Iloilo matapos barilin ng kaniyang kabaro sa loob ng Army detachment sa Sitio Barasbarasan, Brgy. Manlucahoc, lungsod ng Sipalay, lalawigan ng Negros Occidental, nitong Lunes ng gabi, 25 Nobyembre.
Ayon sa pulisya, nag-iinuman ang biktima at ang 43-anyos suspek na may ranggong staff sergeant bilang pagdiriwang ng kaarawan ng isa nilang kasamahan nang magtalo ang dalawa.
Bumunot ang suspek ang baril at pinaputukan ang biktima sa kaniyang kaliwang braso at dibdib.
Agad dinala ang biktima sa pagamutan kung saan siya idineklarang wala nang buhay habang dinakip at dinisarmahan ng pulisya ang suspek.
Ayon kay Brig. Gen. Joey Escanillas, commander ng 302nd Infantry Brigade (IBde), hinihintay niya ang ulat ng 15th Infantry Batallion kaugnay sa insidente.
Bukod sa kasong kriminal, kahaharapin ng suspek ang kasong administratibo na maaring mauwi sa pagkakatanggal niya sa serbisyo.
Ani Escanilla, ipinagbabawal ang pag-inom ng alak sa loob ng kahit anong detachment at mananagot ang mga sangkot dito
