HATAW! D'yaryo ng Bayan hatawtabloid.com
UPANG maging abot kaya sa mga pasyente, inianunsiyo ng Food and Drugs Administration (FDA) ang pag-alis ng buwis sa mga gamot para sa cancer, diabetes, at mental health.
Naaayon ang aksiyon sa Section 12 ng RA 11534 o Corporate Recovery and Tax Incentives for Enterprises (CREATE) Act, na nabibigyan ng exemption sa Value Added Tax (VAT) ang mga piling gamot na lunas sa iba’t ibang mga karamdaman.
Ayon sa Implementing Guidelines ng Value-Added Tax (VAT) Exemption para sa iba pang mga produktong pangkalusugan, nakasaad sa joint administrative order ng ahensiya na magkakabisa ang mga pagbabagong ito sa oras na maglabas ang FDA ng opisyal na advisory na ipapasa ng ahensiya sa Bureau of Internal Revenue (BIR), Bureau of Customs (BoC), at Department of Trade and Industry (DTI) para ito ay ipatupad.
Nitong Lunes, 25 Nobyembre, opisyal nang inilabas ng DFA ang kanilang pinalawig na listahan kasama ang mga sumusunod na gamot sa Cancer: Degarelix 80 mg, 120 mg, Tremelimumab 25 mg/1.25 mL (20 mg/mL), at Tremelimumab 300 mg/15 mL (20 mg/mL).
Para naman Diabetes: Sitagliptin 25 mg, Sitagliptin (bilang hydrochloride) + Metformin Hydrochloride 50 mg/1 g, Sitagliptin (bilang hydrochloride) + Metformin Hydrochloride (50 mg/850 mg), Sitagliptin (bilang Hydrochloride) 25 mg, Sitagliptin (bilang Hydrochloride) 50 mg, Sitagliptin (bilang Hydrochloride) 100 mg, Sitagliptin (bilang hydrochloride monohydrate) 25 mg, Sitagliptin (bilang hydrochloride monohydrate) 50 mg, at Linagliptin 5 mg.
Habang sa gamot mga gamot para sa Mental health: Clomipramine Hydrochloride 25 mg, Chlorpromazine (bilang hydrochloride) 200 mg, at Midazolam 15 mg.
