Jasmine aminadong naiinggit kay Anne na mayroon ng Dahlia

RATED R
ni Rommel Gonzales

NAITANONG kay Jasmine Curtis-Smith kung ano ang reaksiyon ng boyfriend niyang si Jeff Ortega sa lovescene nila ni John Lloyd Cruz sa Moneyslapper entry sa QCinema International Film Festival.

“Wala naman,” pakli ni Jasmine. “Actually pagdating sa mga ganoon nage-gets na rin niya eh, na part talaga iyon ng work ko.

“And he knows also that I choose the projects or the stories na kapag may ganoon, ‘di ba?

“Kasi minsan din we also have to, I guess, screen it for ourselves kapag may ganoon ka ng advantage.”

Napag-uusapan na nila ni Jeff ang tungkol sa pagpapakasal.

“Always,” bulalas ni Jasmine, “pero wala pa kaming mga ano, ha? Wala pa ‘yung mga date, mga ano, wala pa.””

Hindi ba siya naiinggit sa ate niyang si Anne Curtis na may anak na, si Dahlia?

“Of course! Pero parang, ‘pag naiinggit ako naka-catch ko rin ‘yung sarili ko, ‘Okay na pala ako sa aso at pusa!’

“Kasi at least uuwi na lang ako ‘di ba, walang magte-text sa akin ng ‘Mommy, I need allowance.’

“Wala pa naman sa ganoon si Dahlia pero,” at tumawa si Jasmine.      

Bukod sa Moneyslapper ay patuloy na napapanood si Jasmine sa Kapuso drama series na Asawa Ng Asawa Ko with Rayver Cruz, Joem Bascon, Liezel Lopez, at Gina Alajar sa direksiyon ni Ms. Laurice Guillen.