PUSH NA’YAN
ni Ambet Nabus
NAMIGAY si Rhian Ramos ng livelihood carts sa ilang mga single mom na napili nila sa isang distrito sa Manila.
Last October 3, sa mismong birthday niya ay nagkaroon ng sorpresa ang kanyang mga kaibigan at boyfriend na si Cong. Sam Verzosa sa pamamagitan ng isang event sa MLQ University.
Ang proyekto nilang SioMAYNILA ay kinapapalooban ng full-packed na bike, cart, gasul, steamers at iba pang mga kagamitan sa negosyo. bukod sa siomai ay may kasama rin itong samalamig.
“Gusto lang namin iparamdam sa mga tao na may kakampi sila at naririto ang gaya namin to listen and help din sa abot ng aming makakaya,” sey ni Rhian.
Maliit man ito sa iba pero ‘yung chance na mapalaki at maging source ng income ng isang tao ay hindi mapasusubalian.
Kaya nga nakabibilib makitang mas gusto na lang mag-pokus ni Rhian sa mga gawaing nagbibigay-inspirasyon at tulong sa mga tao, kaysa pansinin pa at patulan ang mga negatron.
