MATABIL
ni John Fontanilla
SABIK makatrabo ni Nadine Lustre ang Star For All Season na si Vilma Santos.
Magkakasama sina Ate Vi at Nadine sa movie na Uninvited ng Mentorque ni Bryan Dy na intended for 2024 Metro Manila Film Festival.
First time na makakasama sa pelikula ni Nadine si Ate Vi at alam nito kung gaano kahusay umarte ang premyadong aktres at alam din nito na marami siyang matututunan para mas maging mahusay siyang aktres.
Isa nga si Ate Vi sa tinitingala at hinahangaang aktres ni Nadine kaya naman thankful ito sa Mentorque at kay Bryan dahil kinuha siya para maging part ng movie.
Makakasama nina Nadine at Ate Vi sa Uninvited sina Aga Muhlach, Tirso Cruz III, Ron Angeles, Elijah Canlas, Mylene Dizon, Ketchup Eusebio, Gabby Padilla, Gio Alvarez, Lotlot Deleon atbp. Directed by Dan Villegas.
