PUSH NA’YAN
ni Ambet Nabus
MAINIT pa ring pinag-uusapan ang ‘kandong’ video ni Kyline Alcantara kay Kobe Paras habang kumakanta ang huli, with matching halik sa balikat.
Nakasuot ng mala-tube na blouse si Kyline habang nagmistula itong ‘malaking doll’ na kandong kandong ng mala-higanteng basketeer.
“Ganyan ba ang friends lang? Iyan ba ang walang label?,” ang pag-bash ng netizen sa dalawa.
May mga kinilig naman at nagsabing bagay ang dalawa at naiinggit lang ang iba lalo’t machong-macho si Kobe sa mga tattoo niya. Iniugnay pa ang laki ng katawan at tangkad ni Kobe sa ‘private part’ nito kaya’t masuwerte raw si Kyline.
Nakakaloka man ang mga ganitong tila pag-normalize ng kagayang puna o komento, dapat nga sigurong ang mga may katawan na ang mag-adjust sa pag-post ng mga ganoong video na tila nagsi-send ng maling signal o mensahe sa mga kabataan.
Ayan tuloy, kung ano-ano na ang ibinibintang at tinatawag kay Kyline at kung bakit umano ito halos itakwil ni Carmina Villaroel dahil naging nobya nga ito ng anak na si Mavy Legaspi.
Pati ang mga magulang ni Kyline ay tinatawagan na dahil mukha at tila raw may ‘mali’ sa ginawa nilang pagpapalaki sa dalaga na dapat ay magsilbing role model bilang isang batang babae na may mga fan at supporters.
What about Kobe?
