MATABIL
ni John Fontanilla
ITINANGHAL na 1st runner up ang pambato ng Pilipinas sa Mr Gay World 2024 na si Bench Ortiz na ginanap kamakailan sa Alnwick Garden, Great Britain.
Wagi naman bilang Mr Gay World 2024 si Mr Great Britain Paul Carruthers. Habang runner up’s naman ang sumusunod: 2nd Runner-Up : Mr. Thailand- Poosit Changkawaneh; 3rd Runner-Up: Mr Germany- Karabo Morake; 4th Runner-Up: Mr. Poland – Damian Kutryb.
Nakuha naman ni Bench ang ilan sa special awards like Mr. Social Media at Best in National Costume (Arimaonga-Maranao Gigantic Lion Dragon-Mythical Creature).
Suportado at kasama ni Bench sa Great Britain ang National Director ng Mr Gay Philippines na si Mr Wayne Renzo.
