GMA iginiit ‘di tino-tolerate anumang pang-aabuso sa mga worker
I-FLEX
ni Jun Nardo
KILALA namin ang musical director na inaakusahan ng singer-actor na si Gerald Santos ng rape noong 15-anyos pa lang siya.
Pero hindi na siya visible sa showbiz at music industry.
Kaya naman hindi niya maipagtanggol ang sarili noong hearing sa Senado na inilahad ni Gerald ang pang-aabuso umano sa kanya.
Kaugnay nito, naglabas naman ng pahayag ang GMA Network na noong mangyari ‘yon, terminated na ang services ng musical director. Sinabi rin ng network na hindi nila tino-tolerate ang anumang klase ng pang-aabuso sa mga worker ng network.
Dapat magpasalamat si Gerald kay Sandro Muhlach dahil nabigyang-pansin ang karanasang hindi malilimutan.
Bakit mga lalaki lang ang malakas ang loob na magsalita? Nangyayari rin ang pang-aabuso sa mga babae lalo na sa baguhang artista, huh!
