Monday , July 15 2024
shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska ng ilegal na droga at pagkakaaresto sa 15 personalidad sa droga, limang wanted na kriminal, at tatlong ilegal na manunugal sa lalawigan kamakalawa at hanggang kahapon.

Sa mga ulat na isinumite kay P/Col. Relly B. Arnedo, provincial director ng Bulacan PPO, nagsagawa ng matagumpay na drug sting operation ang Station Drug Enforcement Unit (SDEU) ng San Miguel Municipal Police Station na nagresulta sa pagkakaaresto kay alyas Lakas sa Brgy. Ang Sta. Lucia, San Miguel, Bulacan.

Nakompiska sa suspek ang apat na sachet ng hinihinalang shabu na may standard drug price (SDP) na P102,000 kasama ang marked money.

Bukod dito, magkahiwalay na buybust operations ang isinagawa ng Station Drug Enforcement Unit (SDEU) ng Balagtas, Meycauayan, Baliwag, Angat, at Plaridel C/MPS, kung saan 14 na nagbebenta ng droga ang naaresto.

Nasamsam sa mga operasyon ang 39 plastic sachets ng hinihinalang shabu na may karaniwang presyo na P171,444, iba’t ibang drug paraphernalia, at buybust money.

Dinala sa Bulacan Provincial Forensic Unit ang mga nakompiskang ebidensiya para sa kaukulang pagsusuri, habang ang reklamong kriminal para sa mga paglabag sa RA 9165 laban sa mga suspek ay inihahanda na para sa pagsasampa sa korte.

Samantala, limang kriminal na wanted sa iba’t ibang krimen at paglabag sa batas ang inaresto ng tracker team ng Bulacan PNP sa bisa ng warrant of arrest na inisyu ng korte.

Sa kabilang banda, isang anti-illegal gambling operation ang isinagawa ng Marilao Municipal Police Station na nagresulta sa pagkakaaresto sa tatlong ilegal na manunugal na nahuli sa aktong nagsusugal ng cara y cruz.

Kasama sa mga nakompiskang ebidensiya ang tatlong pisong barya na ginamit bilang pang-kara, at perang taya sa iba’t ibang denominasyon.

Ang lahat ng mga akusado ay kasalukuyang nasa kustodiya ng arresting unit o estasyon para sa naangkop na disposisyon. (MICKA BAUTISTA)

About Micka Bautista

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

Online Sexual Exploitation of Children OSEC

4-anyos nene nangapitbahay, minolestiya ng apat na totoy

NAHAHARAP sa krisis ang pamilya ng isang 4-anyos nene na biktima ng pangmomolestiya ng apat …