I-FLEX
ni Jun Nardo
WALANG naging malinaw na pahayag si Isko Moreno kaugnay ng kumakalat sa Maynila na muli siyang magbabalik sa lungsod na pinagsilbihan niya bilang mayor.
Sa pahayag ni Isko sa isang entertainment online, ang pagiging Sparkle artist ang priority niya ngayon lalo na’t kasama pa siya sa magaganap na Sparkle US and Canada Tour ngayong buwan.
Eh nang kumustahin namin si Isko, ang matipid niyang sagot, “Maayos naman sa awa ng Diyos.”
Nabalitaan naman namin ang kanyang You Tube channel na Iskoveries na magkakaroon ng bagong bihis at may out of town episodes na gagawin para sa pagbabalik ng show.
Pero kung mapapasyal kayo sa ilang lugar sa Manila, mapapansin ang isang symbol na kulay blue and white na naging identified kay Isko.
