Akusado arestado sa NAIA Terminal 3
INARESTO ng pinagsanib na puwersa ng Criminal Investigation and Detective Group (CIDG) at PNP Aviation Security Group ang isang paalis na pasahero sa Ninoy Aquino International Airport (NAIA) terminal 3 patungong Osaka, Japan.
Sa report ng AVSEGROUP, nag-ugat ang pag-aresto sa 32-anyos lalaking pasahero, residente sa Pasay City, sa warrant of arrest na inisyu ni Presiding Judge Vernard V. Quijano, ng RTC, Judicial Region, Branch 123 ng Biñan City, Laguna, may petsang 23 Enero 2024 dahil sa kasong rape.
Kasalukuyang nasa kustodiya ng CIDG-ATCU ang suspek sa Camp Crame, habang hinihintay ang legal na paglilitis kaugnay ng kinakaharap niyang kaso na walang inirekomendang piyansa ang korte.
Samantala pinuri ni Avsegroup Director Christopher N. Abrahano, ang mabilis na pagtugon ng mga awtoridad sa paliparan. (NIÑO ACLAN)
