Friday , July 19 2024
Barbie Forteza David Licauco

Barbie Forteza at David Licauco, may kakaibang pakilig  sa pelikulang That Kind of Love

ALAM MO NA!
ni Nonie Nicasio

NAGSIMULA sa TV ang loveteam nina Barbie Forteza at David Licauco and ngayon pati sa mga sinehan ay makikita na rin ang pagpapakilig ng dalawa. Ito’y sa pamamagitan ng pelikulang That Kind of Love na hatid ng Pocket Media Productions Incorporated.

Dito’y gaganap si Barbie bilang si Mila, na isang kilalang dating coach and certified psychologist. Hahanapan niya rito ng magiging special someone ang mayamang businessman na si Adam (David). Pero ano’ng mangyayari kung ang love coach ang siyang ma-fall sa kanyang kliyente?

Teaser pa lang ng pelikulang ito ay marami na ang kinikilig. Pati ang casts nito at mga taga-media na present sa presscon nito ay iisa ang sinsabi, sadyang karagado sa pampakilig ang pelikulang That Kind of Love kaya dapat itong panoorin sa mga sinehan.

Kilala ang loveteam ng dalawa bilang BarDa at aminado silang mas komportable na silang katrabaho ang isa’t isa.

Kaya naman kabisado na raw nila ang bawa’t isa, na pati kiliti ng ka-partner ay kuha na nila.

Ipinahayag ni Barbie na ibang BarDa ang mapapanood sa pelikula kompara sa mga nagawa nilang teleserye sa GMA-7 gaya ng Maria Clara at Ibarra at Maging Sino Ka Man.

Sambit ng aktres, “Dito, I would say na nag-level up talaga kami ni David in terms of sophistication ng acting, maturity. Iyong styling naman, ginawa nilang very close to K-drama.

“Even sa character, palagi kong sinasabi na ito ang pinaka-sophisticated role na ibinigay sa akin. Kahit iyong hitsura ko iniba namin. Pinadalaga namin. Also, nag-level up kami kasi ang taas ng production value ng pelikulang ito.

Dagdag niya, “Kami rin, in return, ini-level-up namin ang approach sa project na ito. Mas pampelikula, iyong hindi mo mapapanood sa TV, iyong worth it (na panoorin talaga sa sinehan).”

Public knowledge naman na boyfriend ni Barbie si Jack Roberto. Nang usisain si David na kung single si Barbie, posible raw kayang ma-in love siya sa dalaga?

Esplika ng aktor, “To be honest, Barbie is a girlfriend material. She is nice, beautiful and very kind. So to answer that question, yes! But of course, we are here as a loveteam and we just do our best para pakiligin ang aming fans as a loveteam.”

Nakangiting pahayag naman ni Barbie bilang pag-alalay sa ka-loveteam, “Alam po ninyo kung may higit na nakakikilala kay David ako po ‘yun, kasi ako ang madalas niyang nakakasama.

“He is a private person and as much as possible ayaw niyang pinag-uusapan ang personal niyang buhay kaya hayaan na lang po natin siya sa kanyang personal na buhay.”

Ang That Kind of Love ay mula sa pamamahala ni Direk Catherine ‘CC’ O. Camarillo at mula sa panulat ni  Ellis Catrina. Ito ay naging Spotlight entry at awardee sa ginanap na Jinseo Arigato International Film Festival sa Japan.

Ito ay mula sa produksiyon ng Pocket Media Productions, Incorporated na naghatid ng “Chances Are, You and I,” na pinagbidahan nina Kelvin Miranda and Kira Balinger.

Tampok din sa That Kind of Love sina Al Tantay, Arlene Muhlach, Jef Gaitan, Divine Aucina, Ivan Carapiet at Kaila Estrada.

Ang premiere night ng That Kind of Love ay sa July 4 sa SM Megamall. Showing ito sa mga sinehan sa July 10.

About Nonie Nicasio

Check Also

50th MMFF

Ika-50 taon ng MMFF ipagdiriwang

INILUNSAD ng Metro Manila Film Festival (MMFF) ang pagsisimula ng ginintuang jubilee noong Hulyo 16, 2024, sa …

Jo Berry Lilet Matias Attorney At Law

 Lilet Matias gustong ipagtanggol ng netizens

RATED Rni Rommel Gonzales TINUTUKAN ng mga Kapuso ang pagbawi ng mga inaapi sa hit …

Asawa Ng Asawa Ko naka-1 billion views na

RATED Rni Rommel Gonzales CERTIFIED bisyo ng bayan gabi-gabi ang hit GMA Prime series na Asawa …

Widows War

Biggest murder mystery series ng GMA may 100 million views na

RATED Rni Rommel Gonzales  HOOK ang taumbayan sa biggest murder mystery series ng taon, ang Widows’ …

Vic Sotto Playtime

Bossing Vic nag-Playtime

SHOWBIZ KONEKni Maricris Valdez Nicasio ANG bongga naman ng isang gaming apps dahil nakuha nila ang …