Friday , July 19 2024
Jamesray Mishael Ajido Jasper Mojdeh
ITINANGHAL si Asian junior record holder Jamesray Mishael Ajido at magkapatid na Mohammad at Jasper Mojdeh bilang Most Outstanding Swimmer (MOS) awardee ng 1st Philippine Aquatics, Inc. (PAI) National Age Group Championships noong Linggo sa Teofilo Yldefonso Swimming Pool sa makasaysayang Rizal Memorial Sports Complex (RMSC) sa Malate, Maynila. (HENRY TALAN VARGAS)

Ajido, Mojdeh brothers nanguna sa MOS awardee ng PAI National Championships

PINANGUNAHAN nina Asian junior record holder  Jamesray Mishael Ajido at magkapatid na Mohammad at Jasper Mojdeh ang talaan ng mga itinanghal na Most Outstanding Swimmer (MOS) awardee ng 1st Philippine Aquatics, Inc (PAI) National Age Group Championships nitong Linggo sa Teofilo Yldefonso Swimming Pool sa loob ng makasaysayang Rizal Memorial Sports Complex (RMSC) sa Malate, Maynila.

Si Ajido, 15 anyos, markado sa 12-14 category 100m butterfly (55.98) sa Asian junior meet, ay nagdomina sa boys 15 Class A 100-m backstroke at 50-m freestyle, sa naitalang 1:02.44 at 24.87 segundo, ayon sa pagkakabanggit upang makompleto ang dominasyon sa kanyang dibisyon sa torneo na nagsilbing launching pad para sa national ranking system ng PAI at itinataguyod ng Philippine Sports Commission (PSC), Philippine Olympic Committee (POC), at Speedo.

Tinalo ng beteranong internationalist sina John Jeremy Villanueva ng Pasig City Club (1:05.87) at Vince De Leon ng Ilustre East (1:09.23) bago pabagsakin ang kanyang mga karibal na sina Matt Nerison ng Elizabeth Seton (26.32) at Elijah Ebayan ng South Warriors ( 26.53) sa freestyle duel.

Sa kanyang ikatlong event na 200m fly, tila nadama  ng estudyante ng La Salle ang paninigas ng kanyang kanang balikat na nagbigay daan para kay Rodevic Gonzalvo ng Green Blasters na agawin ang tagumpay mula sa nangungunang manlalangoy ng FTW Royals sa oras 2:12. 44. Tumapos si Ajido sa pangalawa sa 2:19.03 habang si Ashton Clyde Jose ang nakakuha ng bronze sa 2:26.35.

“Hindi naman po matindi, may kaunting pain pero tolerable naman po, no excuses. Talagang mas malakas lang si Rodevic sa turn hindi ko na kinayang abutan,” ani Ajido, na hanggang ngayon ay nagpapagaling sa pinsala sa kanyang balikat na nakuha niya sa ASEAN Schools tryouts ng nakalipas na gabi.

Gayonman, inangkin niya ang MOS na may anim na medalyang ginto at isang pilak. Nangibabaw siya sa 50-m backstroke (28.50), 100-m freestyle (53.97), 100-m butterfly (56.23), at 200-m freestyle (2:00.42).

Inangkin ng magkapatid na Mojdeh na sina Behrouz Mohammad at Mikhael Jasper ang kani-kanilang mga parangal sa MOS, sa nakamit na tig-dalawang gintong medalya upang tuluyang sundan ang yapak ng nakatatandang kapatid na si  Michaela Jasmine sa torneo na nagsisilbing pampagana para sa National tryouts sa susunod na buwan.

Idinagdag ni Mohammad, 13 anyos, isang Grade 7 student sa Immaculate Heart of Mary College of Parañaque ang boys 13 Class A 100m back (1:11.63) at 200-m fly sa kanyang gold medal collection, habang ang nakababatang si Mickael ay nakakuha ng ginto sa boys 9 Class A 100-m  back (1;23.90) at 50-m free (35.31).

         Inangkin din ni Behrouz Mohammad ang ginto sa boys 13 Class A 100-m backstroke (1;16.49), 100-m fly (1:05.41), at 400-m Individual Medley, habang si Mikhael Jasper ang nanguna sa boys 9 Class B 50- m breaststroke (51.45), 100-m fly (1:34.70), 50-m fly (38.60), 100-m free (1:16.94) at 200-m free (2:45.76) bilang tulong sa Behrouz Elite squad sa kampeonato ng koponan.

Gumagawa ng malakas na final-day performances sina Pia Severina Magat ng Sharkpeedo, Nicola Diamante ng RSS Dolphins, Miska Sy, Elisa Janna de Kam, Kyla Bulaga, Ezra Avery Advincula. Clinton Hu, at Camille Buico.

Si Magat, ang 7-anyos wonder ay nag-angkin ng ginto sa 50-m free (55.79), si Sy ang nanguna sa girls 17-over 100m back (1:07.77), si Diamante ay nanalo sa 100m back 13 Class A (1:13.74), De Kam sa Class B (1:20.45), Advincula sa 8 Class A 100m pabalik (2:08.43), Buico sa 17-over 200-m fly (2:25.98), Bulaga sa 14 Class A 300m fly (2: 30.80) at Hu, ang pinakabatang kalahok sa 5 years old 50-m freestyle (1:20.41). (HATAW News Team)

About Henry Vargas

Check Also

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …