Thursday , July 25 2024
Team Seirin JCI Senate Lipa Open Rapid chess
MAKIKITA mula sa kaliwa si Mascot Ampen, Philippine Society of Mechanical Engineers - PSME past president Engr. Roger Reyes, Asia’s First Grandmaster Eugene Torre, country’s newest FIDE Master Ivan Travis Cu, Tyrhone James Tabernilla, Zeus Alexis Paglinawan, tournament director Engr. Danilo “Danny” Reyes, at G. Gary Malabanan. (MARLON BERNARDINO)

Team Seirin dinala ni Cu sa tagumpay

Lipa City, Batangas — Nanguna ang Team Seirin sa open division ng JCI Senate Lipa Open Rapid chess team tournament sa Lipa City Convention Center noong Lunes, 17 Hunyo 2024, dito.

Ang pinakabagong FIDE Master ng bansa na si Ivan Travis Cu ang nag-angkla sa kampanya ng Team Seirin kasama sina Tyrhone James Tabernilla at Zeus Alexis Paglinawan.

Nagsilbing coach ng koponan si International Master Jan Emmanuel Garcia.

Nagtapos ang Team Seirin na may pitong puntos batay sa match point-style scoring system na ginagamit ng organizing JCI Senate Lipa para pamunuan ang isang araw na rapid chess meet, na ginanap kaalinsabay ng pagdiriwang ng Lipa City Foundation Day.

Nakatanggap ang Team Seirin ng P50,000, tropeo at medalya para sa kanilang pagsisikap sa event na ito na sinuportahan nina Mayor Eric Africa, dating Vice-Mayor Kuya Boy Manguerra, at Philippine Society of Mechanical Engineers – PSME past president Engr. Roger Reyes.

Tinalo ng Team Seirin ang Blahlala, 3-0, sa unang round; Team Gold Eagle, 2-1, sa ikalawang round; UST Team F, 2.5-0.5, sa ikatlong round; Team Pakners, 2.5-0.5, sa ikaapat na round round; UST Team B, 2-1, sa fifth round; Tira-Tira Sampaloc C, 2.5-0.5, sa sixth round; at The Teddy Bears, 2-1, sa seventh at final round.

“Truly a team effort,” sabi ng 15-anyos na si Cu,   Grade 10 student sa Xavier School, San Juan City na sariwa pa sa second place finish nitong nakaraang buwan sa Hanoi IM (International Master) chess tournament sa Vietnam kalakip ng pagkopo ng FIDE Master title.

Si Cu ay nagtala ng 5.5 puntos sa board 1; si Tabernilla ay nagtala ng 4.5 puntos sa board 2; habang si Paglinawan ay nakakuha ng 6.5 puntos sa board 3.

Pumapangalawa ang UST Team A (Mark Gerald Reyes, Carl Daluz, at Allan Gabriel Hilario) na sinundan ng Tira-Tira Sampaloc C (Kelly Rancalp, Narciso Gumila at Timothy Baclayon).

Pasok sa top 10 ang Team Red Horse (ika-apat), The Teddy Bears (ika-lima), UST Team F (ika-anim), Santa Rosa Lions B (ika-pito), Team Pakners (ika-walo), Sir Nats Team A (ika-siyam) at Team Larry Dumadag (ika-sampu).

Samantala, nagkampeon si Rian Paul Tenorio sa Youth Division (Under 18 Years Old) kasunod sina Ariel Santander, at Clyde Jared Torena.

Nauna rito, pinangunahan nina Mayor Eric Africa at Asia’s First Grandmaster Eugene Torre ang ceremonial moves sa pagsisimula ng isang araw na torneo na dinaluhan din nina Philippine Society of Mechanical Engineers – PSME past president Engr. Roger Reyes’ International Master Roderick Nava ng Kamatyas Chess Club; Chief Arbiter Ryan Dimayuga; Deputy Arbiter Allan Oseña; 13-time Philippine Open Champion Grandmaster Rogelio “Joey” Antonio, Jr., dating Vice-Mayor Kuya Boy Manguerra, at tournament director Engr. Danilo “Danny” Reyes. (MARLON BERNARDINO)

About Marlon Bernardino

Check Also

Jean Richeane Dela Cruz Rhiana Kaydee Nialla

Dela Cruz, Nialla ratsada sa Speedo Novice and Sprint tourney

NASUNGKIT ng baguhang manlalangoy na sina Jean Richeane Dela Cruz at Rhiana Kaydee Nialla ang …

2024 V-League Collegiate Challenge

Elite collegiate team sa V-League Collegiate Challenge magsasagupaan

AAKITIN ng 2024 V-League Collegiate Challenge ang mahihilig sa volleyball sa isang linggong pagpapakita ng …

Daniel Maravilla Quizon PCAP Chess

Quizon naghari sa PCAP chess tournament

PINATIBAY ni Grandmaster elect at International Master Daniel Maravilla Quizon ang kanyang posisyon bilang isa …

Eric Buhain Speedo tilt sa RMSC, PH sasabak sa AOSI tourney

Speedo tilt sa RMSC, PH sasabak sa AOSI tourney

INIHAYAG ng Philippine Aquatics Inc. (PAI) sa pakikipagtulungan ng Speedo Philippines ang pagdaraos ng 2024 …

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …