Wednesday , July 24 2024
John Marcia Joel Lamangan Ataska Cariz Manzano

Newbie actor inapuntahan ng takot at kaba kay direk Joel

HARD TALK
ni Pilar Mateo

TAWANG-TAWA kami nang makatsikahan ang isa sa mga alaga at ipinagmamalaki ng manager na si Lito de Guzman na si John Marcia.

Dahil si Joel Lamangan ang direktor niya sa pelikulang Sisid Marino sa Vivamax, inapuntahan ng  balde-baldeng kaba at takot ito nang masalang na sa eksena. At isang maselang eksena pa man din ito. Breakdown!

Pero hindi siya natakot sa inaasahang ibubuwelta sa kanya ng premyadong direktor na kilala sa pambubulyaw sa mga artista at madaling pag-init ng ulo. Noon.

Biglaan kasing nagdesisyon itong magsabing ‘di niya kayang gawin ang eksena. Drama ‘yun ah! Iiyak. Magwawala. Emosyong mahirap ibuga.

But because nawala na kay direk Joel kundi man nabawasan ang pagiging mataray, pinakinggan niya ang aktor niya. Inalam kung bakit inaapuntahan ito ng kaba at takot. At isinangguni rin niya ito sa producer ng pelikula na si LDG. Para ito mismo ang kumalma sa kanyang alaga.

Maski na gastos ang ibig sabihin ng pagpapaliban muna sa eksenang kukunan kay John, pumayag si Lito. At binigyan ni direk ng panahon si John na kalmahin ang sarili para makapag-isip ng tama sa gagawing desisyon.

‘Yun lang pala ang hinihintay. Kaya nang bumalik ito sa set, desididong-desidido na  itutuloy na talaga ang pag-arte. Sinuportahan naman siya ng mga kasama niya sa pelikula. Gaya nina Ataska at Cariz Manzano. 

Natuwa na siyempre ang manager cum ptoducer na si LDG (not LPG) dahil naintindihan na ni John ang mundong pinapasok niya. Lalo na sa mga gastusin na hindi madaling gawin.

Natuwa si direk Joel dahil alam niyang sa pagpiga kay John ay lumabas ang kakayahan nito sa pagsakay sa papel niya bilang isang marinong kay daming paghamon ang kinaharap sa pagbabalik sa piling ng asawa at anak. 

Bahagi rin ng bagong tatak na Magic Voys ni LDG si John. Ito na ba ang kakabog sa nagawa ni LDG para sa Wonder Gays several years back na sumikat sa single nilang  Blind Item?  

Wag Mo Akong Titigan naman ang panlaban nila sa Viva Records.

Samantala, makisisid na kasama ang iba pang cast gayanina Julia Victoria, Juan Calma, at Jim Pebanco. 

About Pilar Mateo

Check Also

Benhur Abalos Perci Intalan

Birthday ni Sec Benhur dinaluhan ng mga kaibigan sa showbiz at politics; Direk Perci sinagot pasaring ni Atty. Topacio

PUNOMPUNO ang EDSA Shangri-la Hotel noong Biyernes dahil mula sa mga kaibigan   sa showbiz at politics …

Quinn Carillo Christine Bermas Itan Rosales Kaskasero

Christine nakatulong pagiging palaban sa pagpasok sa Wil to Win

SHOWBIZ KONEKni Maricris Valdez Nicasio KAPWA magaling na aktres sina Quinn Carillo at Christine Bermas ng Vivamax kaya mula sa  pagpapa-sexy ay …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Nora Aunor Maricel Soriano Alden Richards

Nora, Maricel, at Vilma triple tie for best actress sa 40th Star Awards

ni ROMMEL GONZALES TABLA, yes it’s a tie sina Dingdong Dantes at Alden Richards bilang Movie Actor of the …

Kumu

KUMU  top live streamers  ng SM Agency gustong pasukin ang showbiz

MATABILni John Fontanilla MAGANDA ang bawat kuwento ng  ilang top live streamers ng  SM Agency na umatend …