I-FLEX
ni Jun Nardo
NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider ng wife niyang si Vilma Santos-Recto na tumakbong muli bilang governor ng Batangas sa 2025.
Eh next in line na sana si VG bilang governor dahil sa balitang magiging Executive Secretary ni PBBM si Gov. Dodo Mandanas na kasalukuyang governor ng Batangas.
Pero ayon sa malapit kay VG Mark, kaibigan niya si Vilma na siya rin ang VG noong governor ang Star For All Seasons.
“Hindi ko puwedeng kalabanin si Vilma kung sakaling babalik siya bilang governor. Mataas ang respeto ko sa kanya. Kapag natuloy, willing tayo mag-give way sa kanya,“ sabi ni VG Mark.
Ibang klaseng kaibigan si VG Mark, huh!
