Wednesday , June 19 2024

Konstruksiyon ng NSB ipinatigil ni Escudero 
‘MARITES’ SINISI NI BINAY

061124 Hataw Frontpage

SINISI ni Senator Nancy Binay ang ‘marites’ na aniya’y mas pinaniwalaan ni Senate President Francis Joseph “Chiz” Escudero kaysa harapin o kausapin siya

bilang dating committee chairperson ng Senate on Accounts sa ilalim ng administrasyon ni dating Senate President Juan Miguel Zubiri.

Ito ay matapos iutos ni Escudero ang pagpapatigil sa konstruksiyon ng New Senate Building (NSB) dahil sa natanggap niyang impormasyon na ito ay ‘over budget’ o lumampas sa itinakdang budget.

Reaksiyon ni Binay, tila umasa si Escudero sa ‘mga marites’ at ‘mga bubuyog’ na ‘bumubulong’ sa kanya kaysa kausapin ang dating nangangasiwa sa pagpapatayo ng bagong gusali ng senado nang sa ganoon ay tamang datos at impormasyon ang kanyang naibigay sa bagong lider ng senado.

               Binalikan ni Binay ang 2019 kung kailan si Escudero ay bahagi ng 17th congress kaya naniniwala siyang batid ng una ang tinukoy ni dating Senador Panfilo “Ping” Lacson sa sesyon na ang P8.9 bilyon ay maliwanag na isang Multi-Year Obligation Authority (MYOA) na tanging nakalaan para sa core at shell ng NSB habang ang gastos sa interior at fit outs ng gusali ay iba pa.

“Sa totoo lang, nagulat din ako kung saan nanggagaling ang info ni SP Escudero with regard the New Senate Building. Sadly, kung noong una pa man sana ay nagkaroon ng time si SP na magtanong at alamin ang tungkol sa construction developments, sana’y mas naliwanagan siya at nakapagbigay siya ng inputs at suggestions kung paano mas makatitipid para hindi maantala ang paglipat ng Senado sa bagong gusali,” ani Binay.

‘Fake news’ para kay Binay ang tungkol sa umano’y three-level basement parking ng Senate building sa Taguig, dahil wala ito sa desinyo ng naturang gusali.

Nagtataka si Binay dahil noong panahon niya bilang pinuno ng naturang komite ay opisyal siyang nagpadala ng imbitasyon sa lahat ng senador para isagawa ang ocular inspection at one-on-one briefing para sa progreso, kalagayan, kung kailan matatapos ang gusali, at iba pang mga impormasyon ukol sa New Senate Building.

Sa kabilang banda, nauunawaan ni Binay ang hangarin ni Escudero na i-review ito, ngunit dapat itong madaliin dahil ang pagkaudlot ng proyekto ay nangangahulugan ng dagdag na gastusin sanhi ng delay.

“There is a sense of urgency to complete the construction by 2025. Delays would mean cost adjustments, additional charges, penalties, and another round of rental. The Senate cannot afford any set back because each day of delay has cost implications — I agree with SP that we need to look for ways to bring the costs down,” dagdag ni Binay.

Nanindigan si Binay na handa siyang ipatawag at humarap sa mga katanungan at paglilinaw ukol sa naturang proyekto upang kanilang maberipika nang tama ang kanilang mga impormasyon lalo’t ‘call & text away’ lamang umano ang kanilang pagitan.  (NIÑO ACLAN)

About Niño Aclan

Check Also

SM Supermalls 100th Job Fair 1

SM Supermalls Celebrates Milestone with 100th Job Fair

June 14, 2024 – Manila, Philippines –SM Supermalls proudly hosted its 100th job fair, reinforcing …

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …