PUSH NA’YAN
ni Ambet Nabus
NAKAPAG-PAALAM naman pala si Kim Chiu sa Belo Medical Clinic bago nito tinanggap ang pagiging endorser ng beauty drink ng Brilliant Medical Group.
Kahit pa nga hindi naman direktang beauty services ang ia-avail ni Kim (though she can naman do anytime she wants as per the owner) sa Brilliant, siyempre parang may awkwardness pa rin dahil direct competitor ng Belo ang Brilliant sa aspetong pagpapaganda.
Anyway, ang beauty drink na ini-launch kamakailan ay sinuportahan ng todo ng mga endorsers din ng naturang bagong beauty medical group na sina Paulo Avelino at Arci Munoz.
Siyempre pa, lahat ng KimPau at shippers ng tandem nila ay kilig na kilig sa development na ito at naniniwala silang may kinalaman si Paulo kung bakit mas napadali ang pag-oo ni Kim para i-endorse ang Hello Melo beauty drink, bukod pa sa pagiging ‘Kim fan’ ng owner nitong si Ms. Glenda Victorio.
