Wednesday , June 19 2024
shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay na buybust operations sa Navotas City.

Ayon kay Navotas City police chief P/Col.Mario Cortes, dakong 8:05 pm kamakalawa nang maaresto ng mga operatiba ng Station Drug Enforcement Unit (SDEU) sa pangunguna ni P/Capt. Genere Sanchez sa buybust operation sa M. Naval St., Brgy. San Jose sina alyas Bembem, 28 anyos at alyas April 24 anyos, kapwa residente sa nasabing lungsod.

Nakompiska sa mga suspek ang hindi kukulangin sa 10.3 grams ng hinihinalang shabu, may standard drug price (SDP) value na P70,040 at bust money.

Nauna rito, dakong 12:38 am nitong nakaraang Sabado, 25 Mayo 2024, nang matimbog ng kabilang team ng SDEU sa isang buybust operation sa Gov. Pascual St., Brgy. Daanghari sina alyas Nognog, 39 anyos at alyas Jason, 36, kapwa residente sa lungsod.

Nakuha sa dalawang suspek ang aabot sa 5.17 grams ng hinihinalang shabu na nagkakahalaga ng P35,156 at buybust money.

Sa Goldrock St., Brgy. San Roque, nasilo ng isa pang team ng SDEU sa buybust operation din dakong 1:21 am sina alyas Ryan Bakla at alyas Pido.

Ani Capt. Sanchez, nasamsam sa dalawa ang nasa 5.12 gramon ng hinihinalang shabu na may katumbas na halagang P34,816 at buybust money.

Mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002.

(ROMMEL SALES)

About Rommel Sales

Check Also

SM Supermalls 100th Job Fair 1

SM Supermalls Celebrates Milestone with 100th Job Fair

June 14, 2024 – Manila, Philippines –SM Supermalls proudly hosted its 100th job fair, reinforcing …

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …