Sunday , June 23 2024

Bagsik ni Aghon ihahasik pa bago lumabas ng PAR

052724 Hataw Frontpage

HATAW News Team

INAASAHANG titindi pa ang bagsik na ihahasik ng bagyong Aghon habang papalabas sa Philippine area of responsibility (PAR) matapos ang walong pagbagsak mula nitong nakaraang Biyernes, 24 Mayo 2024, ayon sa Philippine Atmospheric, Geophysical and Astronomical Services Administration (PAGASA).

Dakong 4:00 pm kahapon, si Aghon, may international name na Ewiniar, ay higit na nagpakita ng lakas bilang ‘severe tropical storm.’

Tinatayang lalabas sa PAR si Aghon sa Miyerkoles ngunit maghahasik pa ng bagsik, ayon kay PAGASA senior weather specialist Benison Estareja.

“By Tuesday morning, it is expected to be 415 kilometers east of Calayan, Cagayan and then to move northeastward, and by Wednesday morning, it will already be 1,000 kilometers east-northeast of extreme Northern Luzon,” aniya.

Idinagdag ni Estareja, sa hapon ng Miyerkoles, 29 Mayo, si Aghon ay inaasahang nasa labas na ng PAR.

Aniya, lumakas pa si Aghon sa Sariaya,

 Quezon na may hanging 75 kilometro kada oras (km/h)  malapit sa gitna, may bugsong hanggang 125 km/h, habang kumikilos patungong timog-kanluran sa bilis na 10 km/h.

Naitala ang unang landfall ni Aghon dakong 11:20 pm, 24 May, sa Homonhon Island, Eastern Samar; sa Giporlos, Eastern Samar, 12:40 am, 25 Mayo; Basiao Island sa Catbalogan, Samar, 4:00 am; Cagduyong Island, Catbalogan, 5:00 am; Batuan, Masbate, 10:20 am; Masbate City, 10:45 am; Torrijos, Marinduque, 10 pm, at Lucena City, Quezon, 4:00 am, 26 Mayo.

Sa pinakabagong bulletin kahapon dakong 5:00 pm, itinaas sa signal No. 3 ang bagyo sa silangang bahagi ng Quezon kabilang ang Polillo Islands.

Itinaas ang signal No. 2 sa Aurora, sa kanluran at gitnang bahagi ng Quezon, sa Laguna, silangang bahagi ng Batangas, silangan at gitnang bahagi ng Rizal, at kanlurang bahagi ng Camarines Norte.

Samantala, ang signal No. 1 ay itinaas sa silangang bahagi ng Isabela, silangang bahagi ng Quirino, sa silangan at katimugang bahagi ng Nueva Ecija, katimugan ng Bataan, silangang bahagi ng Pampanga, Bulacan, Metro Manila, at sa kabuuan ng Quezon, Rizal, at Batangas, sa kanluran at gitnang bahagi ng Oriental Mindoro, Marinduque, kanlurang bahagi ng Romblon, at sa kabuuan ng Camarines Norte, at Camarines Sur.

Ani Estareja, posibleng dumaan si Aghon sa Laguna, Rizal, at silangang bahagi ng Bulacan, Aurora at Polillo islands.

Magdadala si Aghon ng 100 – 200 millimetro ng ulan sa Aurora, Bulacan, Rizal, Laguna, Metro Manila, Camarines Norte hanggang ngayong araw, Lunes, 27 Mayo.

Habang, 50 – 100 millimetro ng ulan ang inaasahan sa silangang Isabela, Nueva Ecija, at sa buong Bulacan, silangang Pampanga, Batangas,  Oriental Mindoro, Romblon, Burias Island, Masbate, western Camarines Sur, Cuyo island, Palawan, Aklan, at Antique.

Nagbabala ang PAGASA ng posibleng pagbaha at pagguho sa mga apektadong lugar.

“These include those areas in Pasig and Marikina as the Marikina River may overflow. The next 24 hours will be crucial in terms of rains brought by Aghon,” aniya.

Itinaas ang babala sa baybayin ng Aurora, Quezon at Marinduque, sa katimugang baybayin ng Batangas, at kanlurang baybayin ng Camarines Norte.

About hataw tabloid

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …