Thursday , June 13 2024
Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang mabigong makakuha ng suporta at magtala ng mababang turnout ng protesters, ayon kay Tingog Party-list Rep. Jude Acidre.

Dahil sa pumalpak na rally, nagsisisihan ngayon ang Maisug anti-government rallyists upang makaiwas sa kahihiyan, kung saan binigyang-katuwiran ni dating Presidente  Rodrigo Duterte ang kanilang nakadedesmayang mababang  turnout sa pag-akusa sa mga local leader sa Leyte ng pagpigil sa kanila.

Kinutya rin ni Rep. Acidre ang sinasabi ng mga raliyista na “kapayapaan” sa kanilang mga aktibidad,  ipinaliwanag na mas madalas ang mga pagmumura at  pag-atake kaysa kapayapaan at panalangin.

“Huwag naman sana gamitin ito na pamamaraan para bastusin ang mga iginagalang nating lider. Mas marami pa yatang mura (ang mga naunang rally nila). Wala naman akong naririnig na panalangin,” pahayag ng House deputy majority leader.

“Malamang sa hindi, naghahanap din sila ng justification bakit hindi marami ang nakarating, ‘no? Kasi kung ako ang tatanungin mo, wala naman kaming kinalaman, si Speaker (Ferdinand Martin Romualdez) wala namang kinalaman,” dagdag ng mambabatas.

Binatikos din ni Rep. Acidre ang itinuturing na ‘absurd’ na akusasyon ng mga ralislyista na may kinalaman ang administrasyon sa paghihigpit sa aircraft schedules sa Tacloban airport.

“Ilang linggo na naming inaaray ang presyo ng ticket, ang kakulangan ng ticket, pero sabi nga nila, kailangan naman itong gawin, para tuloy-tuloy ang ating pag-improve ng paliparan sa Tacloban,” ayon sa mambabatas.

Ipinaliwanag niya na ang Maisug anti-government rallyists ay hindi nag-apply ng permit, at inabisohan lamang ng mga raliyista ang provincial government noong nakalatag na ang roadshow na nagpapakita ng heavy equipment sa araw ng  protesta.

“Base sa information na nakarating sa atin, hindi naman sila nag-apply talaga ng permit e. Ang ginawa nilang notification sa provincial government ay nagpapasabi lang na gagamit sila ng freedom park. May nakapag-book na po as early as May 10 sa pagkakaalam ko, mayroon nang nag-apply doon sa roadshow ng mga heavy equipment,” dagdag niya.

About hataw tabloid

Check Also

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

DOST assists Damugu sudsud weavers in Talakag, Bukidnon

DOST assists Damugu sudsud weavers in Talakag, Bukidnon

The Department of Science and Technology Regional Office X recently made strides in its mission …

Eye Mo Moist ken chan

Eye Mo Moist: A must-have item during Silent Outbreak Dry Eye Disease (DED)

Dry eyes disease (DED) is currently emerging as a rapidly spreading but unnoticed epidemic. It …

SANKEI 555 Ball Joint

Produktong Japan ginaya
NBI NAGHAIN NG SUBPOENA SA EXPO BOTH NG SANKEI 555

SA IMPORMASYONG imitasyon at hindi orihinal ang produktong naka-display, inihain ng National Bureau of Investigation …

Federation of Free Farmer FFF

Rice Tariffication Law (RTF) naging pahirap 
MAGSASAKANG PINOY UNANG TATAMAAN NG MABABANG TARIPA

AMINADO si Leonardo “Ka Leony” Montemayor, Chairman ng Federation of Free Farmers (FFF) na malaki …