Wednesday , June 19 2024

Minamadaling prangkisa ng Meralco kaduda-duda — Consumers’ group

052124 Hataw Frontpage

NAGDUDUDA at nababahala ang isang consumer group sa tila minamadaling maagang renewal ng prangkisa ng   Manila Electric Company (Meralco) kahit sa 2028 po ito mapapaso o mawawalan ng bisa.

Ayon sa United Filipino Consumers and Commuters (UFCC), hindi angkop sa panahong ito ang panukala lalo na’t marami ang reklamo ukol sa patuloy na pagtaas ng singil sa koryente.

Sinabi ni Rodolfo Javellana, Jr., UFCC president, ang hakbanging ito ng ilang mambabatas na isulong ang maagang pagre-renew ng prangkisa ng Meralco, kahit apat na taon mula ngayon bago mapaso, ay pabor lamang Meralco at hindi sa consumers.

“They are now conditioning the mindset of the public,” ani Javellana na ang adbokasiya ng grupo ay para sa kapakanan ng mga consumer at naghain ng ilang mga reklamo sa Energy Regulatory Commission (ERC) laban sa Meralco dahil sa alegasyong ‘over charging’.

Tinukoy ni Javellana, batay sa pahayag ni  Albay Rep. Joey Salceda na ang pagre-renew sa prangkisa ng Meralco  ay maganda sa ekonomiya na itinuturing niyang isang ‘mind conditioning’.

“Congressman Salceda probably forgot that it is proper to ask first Meralco consumers if they are happy with the service provided by Meralco,” giit ni Javellana.

Si Salceda ang pangunahing may akda ng House Bill No. 9793 na humihiling ng dagdag na 25 taong prangkisa sa Meralco sa kabila na sa 2028 pa ito mawawalan ng bisa.

Binigyang-linaw ni Javellana ang pangunahing awtor ng naturang panukala ay malinaw na hindi dumaraan sa tamang proseso na dapay ay magkaroon ng konsultasyon sa mga consumer na hindi maaaring isantabi.

“It seems that they are not looking at a democratic consultation for the public for us to have a real voice and representation. For the UFCC, it is important for consumers to have a say in the matter,” dagdag ni Javellana.

Nanindigan si Javellana, imbes ang maagang pagre-renew ng prangkisa ang intindihin ng mambabatas ay maiging suriin muna ang performance at mga reklamong inihain sa ERC.

“On the part of the ERC, did it conduct a so-called ‘thorough audit’ for Meralco’s performance? When we say thorough audit, this will determine whether Meralco made excessive charge for its services,” paglilinaw ni Javellana.

Binigyang-diin ni Javellana, sa sandaling mapatunayan na mayroong overcharge ay mabuti pang ibasura ang panukalang maagang pagre-renew ng prangkisa ng Meralco.

Dahil dito, aniya, marapat na ibalik ang kontrol sa pamahalaan at bawiin ang prangkisang ipinagkaloob ng kongreso.

“As long as oligarchs have control of power generation, transmission, and distribution, the government and all electric consumers in the country are hostage to their control,” anang UFCC president.

Pinuna ni Javellana ang tila pagiging empleyado at acting spokesperson/s ng ilang mambabatas para sa Meralco sa pagsusulong ng interes nito kaysa kapakanan ng consumers.

“I don’t know whether they are sucking up or trying to get into the good side of these giant corporations and I also don’t know whether the coming elections have something to do with this. All I know is that it is the wrong tune to sing for the early renewal of the Meralco franchise,” pagwawakas ni Javellana. (NIÑO ACLAN)

About Niño Aclan

Check Also

SM Supermalls 100th Job Fair 1

SM Supermalls Celebrates Milestone with 100th Job Fair

June 14, 2024 – Manila, Philippines –SM Supermalls proudly hosted its 100th job fair, reinforcing …

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …