Wednesday , June 19 2024
2024 Philracom 1st leg ng Triple Crown nakopo ng kabayong si Ghost

2024 Philracom 1st leg ng Triple Crown nakopo ng kabayong si Ghost

NAKOPO ng dehadong kabayo na si Ghost ang 2024 Philippine Racing Commission (Philracom) 1st Leg Triple Crown Stakes Race na tumakbo nitong Linggo ng gabi sa Metro Turf sa Tanauan City, Batangas.

Bagamat huli paglabas sa aparato si Ghost na sinakyan ni reigning Philippine Sportswriters Association, (PSA) – Jockey of the Year awardee John Alvin Guce habang naglalabanan sa unahan sina Worshipful Master at Bea Bell.

Nang sumapit sa kalagitnaan ng karera ay nasa hulihan pa rin si Ghost, nakihalo na si Batang Manda sa unahan kina Worshipful Master at Bea Bell.

Papalapit sa far turn ay nasa unahan pa rin si Worshipful Master habang hirap na makalampas sina Batang Manda, Bea Bell, at Added Haha.

Pagsapit ng huling kurbada ay umungos pa si Worshipful Master ng tatlong kabayo habang pilit na kumakapit nina Batang Manda at Bea Bell.

Sa huling 150 metro ng karera sa rektahan ay tinawag na ng race caller si Ghost na nasa bandang labas pero nasa tatlong kabayo pa rin ang bentaha ni Worshipful Master.

Nagsumikap si Guce sa pagremate, malalakas na hataw ng latigo ang pinatama ni Guce kay Ghost kaya sakto ang dating ng kabayo sa meta.

Dikit lang nagkatalo, nanalo si Ghost ng nguso ang pagitan sa pumangalawang si Bea Bell, tersero si Batang Manda habang pang-apat si Worshipful Master.

Itinala ni Ghost ang tiyempong 1:42 minuto sa 1,600-meter race sapat upang hamigin ng owner nito ang tumataginting na P1.5 milyong premyo habang napunta ang P562,500 sa may-ari ng pumangalawang si Bea Bell sa event na inorganisa at suportado ng Philippine Racing Commission  (Philracom) sa magiting na pamumuno ni Chairman Aurelio P. De Leon. (MARLON BERNARDINO)

About Marlon Bernardino

Check Also

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …

Daniel Maravilla Quizon Chess

FIDE World Junior Chess Championships  
QUIZON NAKISALO SA IKA-2 PUWESTO

Individual Standing After Round 10: 8.0 points — GM Mamikon Gharibyan (Armenia) 7.5 points — …

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

Langoy Pilipinas, arangkada sa MSC sa Hunyo 16

Langoy Pilipinas, arangkada sa MSC sa Hunyo 16

Kasado na ang “Langoy Pilipinas’ Age-Group Swimming Championship sa Hunyo 16 sa Marikina Sports Complex …

Tolentino ROTC Games

Mga atletang kadete ng Philippine Army una sa Visayas Leg ng ROTC Games 2024

NANGUNA ang mga atletang kadete mula sa Philippine Army sa Visayas qualifying leg ng Philippine …