Sunday , June 23 2024
Christian Gian Karlo Arca Dau Khuong Duy
MAKIKITA si FIDE Master (FM) Christian Gian Karlo Arca ng Dasmariñas City, Cavite, Filipinas (kanan) na naglalaro laban kay Candidate Master (CM) Dau Khuong Duy ng Vietnam.

Sa Ha Long Ward, Ha Long City, Vietnam  
ARCA NATAMO 2nd IM NORM SA QUANG NINH GM2 CHESS TOURNAMENT

ni MARLON BERNARDINO

Final Standings:

6.0 puntos—FM Christian Gian Karlo Arca (Filipinas)

5.5 puntos—CM Dinh Nho Kiet (Vietnam)

5.0 puntos—IM Michael Concio Jr. (Filipinas), GM Nguyen Anh Dung (Vietnam)

4.5 puntos—GM John Paul Gomez (Filipinas), IM Liu Xiangyi (Singapore)

4.0 puntos—IM Lou Yiping (China), CM Dau Khuong Duy (Vietnam)

3.5 puntos—GM Tran Tuan Minh (Vietnam)

3.0 puntos—IM Setyaki Azarya Jodi (Indonesia)

MANILA — Nakahati ng puntos si FIDE Master (FM) Christian Gian Karlo Arca ng Filipinas laban kay Candidate Master (CM) Dau Khuong Duy ng Vietnam sa huling round upang makuha ang kanyang pangalawang International Master norm sa Quang Ninh GM2 chess tournament sa Ha Long Ward, Ha Long City, Vietnam kahapon, Linggo,19 Mayo 2024.

Si Arca, na naglaro sa piyesang itim, ay nagtapos sa 67 galaw ng Caro Kann Defense, advance variation.

Ang 15-anyos na manlalaro mula sa Dasmariñas City, Cavite ay nagtapos ng round robin tournament na may 6.0 puntos sa tatlong panalo at anim na tabla upang makuha ang inaasam na titulo sa chess, na inorganisa ng Viet Nam Chess Federation.

Ang iba pang mga tabla ni Arca ay laban kina Grandmaster (GM) Nguyen Anh Dung ng Vietnam (Round 1), International Master (IM) Michael Concio, Jr., ng Filipinas (Round 4), International Master (IM) Liu Xiangyi ng Singapore (Round 6), Grandmaster (GM) John Paul Gomez ng Filipinas (Round 7) at Candidate Master (CM) Dinh Nho Kiet ng Vietnam.

Natalo niya ang International Master (IM) Yiping Lou ng China (Round 2), International Master (IM) Azarya Jodi Setyaki ng Indonesia (Round 3) at ang top seed Grandmaster (GM) Tran Tuan Minh ng Vietnam (Round 5).

Ang Grade-9 estudyante mula sa Dasmariñas Integrated High School ay nakakuha ng 62.8 ELO points mula sa Vietnam event, na idaragdag sa kanyang rating na 2265 simula 1 Mayo 2024.

Si Christian ay kabilang sa mga nangungunang manlalaro ng bituing Dasmariñas Chess Academy ni Mayor Jenny Austria-Barzaga at pambansang coach na si FIDE Master Roel Abelgas.

“Masayang-masaya si Christian na makuha ang kanyang pangalawang IM norm sa torneo. Kailangan niya ng isa pang norm upang makompleto ang kanyang IM title, kaya’t talagang motivated siya,” sabi ni Abelgas.

“Muli kong iniaalay ang aking tagumpay sa aking mga kababayan lalo na kay yumaong Cong. Elpidio “Pidi” Barzaga, Jr., at Kay Sir Alex Albano Apsay Ng Alaska. Ipinagmamalaki kong katawanin ang ating bansa,” sabi ni Arca na nakuha rin ang kanyang unang IM norm sa 18th IGB Dato’ Arthur Tan Malaysian Open Chess Championships na ginanap noong 28 Agosto hanggang 3 Setyembre 2023 sa Kuala Lumpur, Malaysia.

Upang maging IM, kailangan ng isang manlalaro na makuha ang tatlong norms sa loob ng 27 o higit pang mga laro at isang FIDE rating na 2400 o higit pa. Ang ELO ay isang rating system upang sukatin ang antas ng kasanayan ng mga manlalaro.

Samantala, si Christian, mula sa Panabo City, ay nakatakdang lumahok sa Hanoi GM closed tournament mula 21-26 Mayo 2024 sa Hanoi, Vietnam. Sasali rin siya sa 8th Eastern Asia Youth Chess Championship sa 12-21 Hulyo 2024 sa Penang, Malaysia.

About Marlon Bernardino

Check Also

VINNY Marcos Volleyball FIVB men’s worlds

Vinny Marcos nanguna sa ceremonial launch ng 2025 FIVB men’s worlds

IPINAKITA ng anak ng Pangulo na si William Vincent “Vinny” Araneta Marcos ang pagmamalaki at …

Brazil nanaig vs Netherlands sa VNL Week 3

Brazil nanaig vs Netherlands sa VNL Week 3

PASAY CITY – Bumangon ang Brazil mula sa first-set loss para talunin ang Netherlands sa …

Team Seirin JCI Senate Lipa Open Rapid chess

Team Seirin dinala ni Cu sa tagumpay

Lipa City, Batangas — Nanguna ang Team Seirin sa open division ng JCI Senate Lipa …

Eric Buhain Anthony Reyes PAI

Hikayat ng Philippine Aquatics, Inc. (PAI):
HOMEGROWN SWIMMERS, PINOYS ABROAD MAGPATALA, LUMAHOK SA NATIONAL TRIALS

HINIKAYAT ng Philippine Aquatics, Inc. (PAI) ang lahat ng mga homegrown swimmers at Filipino na …

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …