Wednesday , June 19 2024
2024 CPBA 9-Ball Teams Invitational tournamen

PH versus Taiwan sa 9-ball showdown

NANGAKO ang Team Philippines na magpapakita ng magandang laban sa pakikipagsargohan sa Team Chinese Taipei sa pagtulak ng 2024 CPBA 9-Ball Teams Invitational tournament sa 27-29 Mayo 2024 sa New Taipei City, Taiwan.

Nangunguna sa Filipinas para sa tinaguriang “Asia Supremacy” showdown ay sina Carlo Biado, Johann Chua, James Arañas, Jeffrey Ignacio, at Bernie Regalario.

“We hope to do well in this event. It is big honor to represent the country in the Asia Supremacy billiards match,” ani Biado na nagkampeon sa World 9-Ball Championship sa 2017 at sa World 10-Ball Championship ngayong 2024.

Si Chua ay two-time All Japan Championship winner at miyembro ng Philippine team na nanalo sa 2022 World Team Championship kasama sina Biado at Rubilen Amit. Nanguna rin siya sa 2023 World Cup of Pool kasama si Arañas.

Pinangunahan ni Arañas ang 2019 Super Billiard Expo Championship.

Nanguna si Ignacio sa 2024 Indonesia International 10-Ball Open sa Jakarta, Indonesia na ginanap noong Enero.

Si Regalario ay naging runner-up kay Biado sa 2nd Chinese Taipei Open 9-Ball Pool Championship na ginanap noong Enero. Naging tanyag din siya matapos niyang talunin si world No.1 Francisco Sanchez Ruiz ng Spain, 5-4, sa Premier League Pool sa Connecticut, United States noong 19 Marso 2024.

Ang Chinese Taipei, sa kabilang banda, ay maglalagay ng solidong koponan na binubuo nina Ko Ping Chung, Chang Jung Lin, Chang Yu Lung at Wu Kun Lin at Ko Pin Yi, na nanalo ng tatlong world title noong 2015, kabilang ang World Ten-ball Championship kung saan tinalo niya si Biado sa finals, 11–9.

Ang Team Philippines ay suportado nina JR Velasco at Marvin Paringit ng Marboys Billiards.

“Handa na silang lahat,” sabi ni Velasco.

Ang mananalong koponan ay makakukuha ng $15,000 at ang natalong koponan ay mag-uuwi ng $7,500 sa 9-ball tournament na punong abala ang Fullcan Sports at Marboys Billiards.

“It will be tough but we will try our best,” dagdag ni Paringit. “Iyon ang hamon natin.”

Ang Chinese Taipei Team ay suportado nina Marvin Wang at Jackie Ku ng CPBA at Fullcan Sports.

Ang Fullcan Sports ay isang subsidiary ng CPBA Group, pangunahing responsable sa pagho-host ng mga international billiards event.

Ang Marboys Billiards naman ang humahawak at namamahala sa karera ng mga manlalaro ng pool mula sa Filipinas.

Ipadadala ng Marboys Billiards ang mga manlalaro nito sa World Pool Championship sa Jeddah, Kingdom of Saudi Arabia sa 3-8 Hunyo; ang China 9-ball tournament mula 28 Hunyo hanggang 5 Hulyo sa China; at ang Bandung Indonesia sa 10-14 Hulyo. (MARLON BERNARDINO)

About Marlon Bernardino

Check Also

Eric Buhain Anthony Reyes PAI

Hikayat ng Philippine Aquatics, Inc. (PAI):
HOMEGROWN SWIMMERS, PINOYS ABROAD MAGPATALA, LUMAHOK SA NATIONAL TRIALS

HINIKAYAT ng Philippine Aquatics, Inc. (PAI) ang lahat ng mga homegrown swimmers at Filipino na …

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …

Daniel Maravilla Quizon Chess

FIDE World Junior Chess Championships  
QUIZON NAKISALO SA IKA-2 PUWESTO

Individual Standing After Round 10: 8.0 points — GM Mamikon Gharibyan (Armenia) 7.5 points — …

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

Langoy Pilipinas, arangkada sa MSC sa Hunyo 16

Langoy Pilipinas, arangkada sa MSC sa Hunyo 16

Kasado na ang “Langoy Pilipinas’ Age-Group Swimming Championship sa Hunyo 16 sa Marikina Sports Complex …