Karla deadma sa panlalait: mga anak bunga ng pagmamahal 

MATABIL
ni John Fontanilla

MANHID na ang TV host/actress, Karla Estrada sa panlalait ng ibang tao sa kanya patungkol sa iba-ibang ama ng kanyang mga anak.

Ani Karla sa isang interview, kahit iba-iba ang ama ng mga anak niya ay bunga ito ng pag-ibig at labis niyang pagmamahal sa mga tatay nito.

“I have four kids with four fathers. So, my first is Daniel [Padilla]. So, si Daniel with Rommel [Padilla]. Years kami nagsama and finally hindi nag-work.

“Laging ganoon ‘yung istorya. So, noong with the father naman of Carlito [Padilla], three years, four years ‘yon. 

” Wala akong kinasama ng one night stand. Taon ang relasyon at lahat ng anak ko ay bunga ng pag-ibig,” pagdidiin ni Karla.

“‘Wag kayong mag-alala kasi hindi ako tinatablan ng mga masasakit na salita dahil hindi naman nila alam ang totoong istorya,” sabi pa ni Karla. 

At kahit nga hindi ito tinatantanan ng kanyang mga basher ay nananatiling mahinahon at deadma na lang ito sa patutsada at panlalait ng ibang netizens.