Mia Japson dream come true makasama sa concert sina Haji, Rachel, at Gino

MATABIL
ni John Fontanilla

DREAM come true para sa baguhang singer na si Mia Japson ang makasama sa concert ang mga legendary singers na sina Hajji Alejandro, Rachel Alejandro, Gino Padilla atbp. entitled Awit ng Panahon Noon at Ngayon  Musical Concert sa  April 21, 7:00 p.m. sa New Frontier Theater.

Ayon kay Mia, “Nakakakaba po kasi I’m performing sa stage and super excited dahil mga sikat, kilala at nirerespetong singer sa music industry makakasama namin sa concert.

“Bale kasama ko ‘yung mga ka-grupo ko, ang Krazy Mix na magpe-perform kasama si Ysabelle Magno Palabrica na kalo-launch lang ng kanyang debut single na ‘Kaba.’

“Kakantahin ko rin sa concert ‘yung first single ko, ‘yung ‘Pintig.’”

Bukod nga sa concert at sa pagpo-promote ng kanyang first single ay abala rin si Mia sa kanilang Youtube show kasama ang Krazy Mix.