Dong Yan ‘hiwalay’ muna, Marian sasabak sa Cinemalaya

I-FLEX
ni Jun Nardo

HIWALAY naman sa pagtatambal sa movie ang mag-asawang Dingdong Dantes at Marian Rivera matapos ang blockbuster movie nilang Rewind.

Naglabas ng project reveal si Marian sa kanyang Facebook account. Magiging bahagi ng Cinemalaya ang gagawing movie na titled Balota na si Kip Oebanda ang director.

Sa teaser plug, may hawak na ballot box si Marian at nakasulat ang makakasama niya sa movie gaya nina Will Ashley, Royce Cabrera, Nico Antonio, Raheel Byhria, Gardo Versoza at iba pa.

Sa pagkakaalam namin, unang Cinemalaya movie ito ni Marian kaya excited agad ang netizens na nagkomento sa post niya.

Samantala, kasado naman ang pagsasama sa movie nina Charo Santos at Dingdong tungkol sa friendship ayon sa social mcdia post ng beteranang aktres.

Exciting days ahead sa Dong-Yan couple, huh!