MATABIL
ni John Fontanilla
NABIGLA ang publiko nang aminin ni Darren Espanto na naging girlfriend niya ang si Kyline Alcantara. Ang pag amin ng singer ay nangyari sa programa ni Boy Abunda, ang Fast Talk with Boy Abunda.
Ayon kay Darren, “It’s parang puppy love kind of thing before, when we were younger in the past.”
Ang Unkabogable Star na si Vice Ganda raw ang nakakaalam ng sikreto na ito ni Darren kaya biniro sila nito nang mag-guest ang young actress sa It’s Showtime kamakailan.
Dagdag pa ni Darren, “Mako-complete ko na po ‘yung sentence, kasi nga naging kami dati kaya binibiro kami ni Ate Vice.
“We’re very very comfortable.”
At sinabing tumagal ng isang taon ang kanilang relasyon na kalaunan ay naghiwalay din.
“There are some misunderstandings. And then when we both matured, parang six years later, parang napag-usapan namin.
“Eventually, we became okay with each other again. Naging friends na uli,” pagtatapos ni Darren.
