Thursday , May 23 2024
Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad ng irigasyon upang mapabuti ang seguridad sa pagkain ng bansa sa gitna ng patuloy na paglobo ng populasyon.

“Kung hindi sisimulan ng gobyerno ang isang komprehensibong programa sa modernisasyon ng sektor ng agrikultura, magiging mahirap para sa bansa na makamit ang seguridad sa pagkain, lalo sa supply ng bigas,” ani Gatchalian.

Binigyang-diin ng Senador, dahil sa tuloy-tuloy na paglaki ng populasyon ng bansa, kinakailangan maghangad ng pagtaas ng productivity sa pamamagitan ng modernisasyon ng sektor ng sakahan, kabilang ang paggamit ng mga modernong kagamitan sa pagsasaka.

Ipinunto ni Gatchalian, kailangan magkaroon ng whole-of-government approach, na ang mga local government units (LGUs) ay gaganap ng malaking papel upang epektibong maisulong ang modernisasyon, partikular sa mga lugar kung saan nangangailangan ng suportang pinansiyal at kooperasyon.

“Sa kaso ng bigas, na pangunahing pagkain ng mga Filipino, kailangan ng bansa na makapag-ani ng hindi bababa sa 98% ng pangangailangan nito sa bigas,” sabi ni Gatchalian.

“Lalong lumalaki ang ating populasyon kompara sa produksyon ng bigas. Habang lumalaki ang ating populasyon, lumalaki rin ang ating pangangailangan sa bigas, at dapat nating tugunan ito. Gayonpaman, sa kasalukuyan, hindi natin ito mahabol dahil mas mabilis ang paglaki ng ating populasyon kaysa produksiyon ng bigas,” dagdag niya.

Ang populasyon ng bansa ay tinatayang umabot sa 112 milyon noong 2023, batay sa inaasahang rate ng paglaki ng populasyon gamit ang resulta ng 2020 census, ayon sa Commission on Population and Development.

“Hindi natin matatakasan ang pangangailangan na gawing moderno ang pangkalahatang sektor ng agrikultura upang matugunan ang supply ng pagkain kasunod ng lumolobo nating populasyon. Dahil dito, mapapaunlad din natin ang kabuhayan ng ating mga magsasaka,” pagtatapos ni Gatchalian. (NIÑO ACLAN)

About Niño Aclan

Check Also

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …