Tuesday , May 28 2024
Bulacan Police PNP

2 durugista, 6 wanted, swak sa hoyo

Dalawang durugista at anim na wanted na mga kriminal ang sunod-sunod na inaresto ng pulisya sa Bulacan sa magkakahiwalay na operasyon na isinagawa kamakalawa.

Nagresulta ang ikinasang buybust operation ng Station Drug Enforcement Unit (SDEU) ng San Rafael at Obando Police MPS, sa pagkaaresto ng dalawang durugista na naaktohan sa paggamit at pangangalakal ng ilegal na droga.

Nasamsam sa operasyon ang 1.4 gramo ng shabu na may Standard Drug Price (SDP) P9,240, iba’t ibang drug paraphernalia, at buybust money.

Dinala sa Bulacan Provincial Forensic Unit (PFU) ang mga nakompiskang ebidensiya para sa kaukulang pagsusuri habang ang kasong paglabag sa RA 9165 laban sa mga suspek ay inihahanda para sa pagsasampa sa korte.

Samantala, nagsagawa ng manhunt operation ang tracker teams ng Meycauayan, Marilao, Pandi at San Jose Del Monte C/MPS na nagresulta sa pagkakaaresto ng anim na wanted person.

Kinilala ang mga arestadong akusado na may kasong Pagnanakaw; alyas Charlie, Attempted Homicide; alyas Adriano at alyas Reagan, Qualified Theft; alyas John lumabag sa Ecological Solid Waste Management Act of 2000; at alyas Ralph, Reckless Imprudence Resulting in Damage to Property.

Ang mga naaresto ay kasalukuyang nasa ilalim ng kustodiya ng kani-kanilang arresting unit/station para sa tamang disposisyon.

Ayon kay P/Col. Relly Arnedo, provincial director ng Bulacan PPO, ang tagumpay ng mga operasyong ito ay binibigyang-diin ang kanilang dedikasyon at pagiging epektibo sa paglaban sa mga krimen na may kaugnayan sa droga at pagdakip sa mga nagkasala. (MICKA BAUTISTA)

About Micka Bautista

Check Also

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …

Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang …

Drug den sinalakay MAINTAINER, 3 GALAMAY TIKLO

Drug den sinalakay
MAINTAINER, 3 GALAMAY TIKLO

Sinalakay ng mga tauhan ng Philippine Drug Enforcement Agency (PDEA) ang isang lugar sa lungsod …

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

MATAGUMPAY na idinaos ng Department of Trade and Industry (DTI) ang pasinayang pagtatanghal ng ‘Pustura,’ …