Kokoy ‘di pa rin maka-move on sa pagkawala ng Tahanang Pinasaya

MATABIL
ni John Fontanilla

HANGGANG ngayon ay nalulungkot pa rin ang Kapuso actor na si Kokoy De Santos sa pagkawala ng kanilang afternoon variety program sa GMA 7, ang Tahanang Pinasaya.

Ayon kay Kokoy, sa nasabing programa ay nakabuo na sila ng solid na pamilya sa pagsasama-sama nila every day, kaya naman sobrang nalungkot ang bawat  isa sa Tahanang Pinakamasaya mula sa casts hangang sa staff nang matsugi ito.

Pero wala naman silang magagawa dahil management decision ‘yun, kaya naman wala silang choice kundi tanggapin ito.

Mabuti na lang at may mga show pa ito sa Kapuso Network. Regular itong napapanood sa Bubble Gang at sa Running Man PH na kinunan pa sa  South Korea.