Friday , February 7 2025
SGLG drainage DILG Balagtas Bulacan

SGLG drainage project sa Balagtas pinasinayaan ng DILG, Bulacan provincial gov’t

PINANGUNAHAN nina Gobernador Daniel R. Fernando kasama si Department of the Interior and Local Government (DILG) Assistant Regional Director Jay E. Timbreza ang inagurasyon ng 987.60 linear meter na drainage system sa Balagtas-Pandi Provincial Road sa kahabaan ng Brgy. Santol, Balagtas, Bulacan kahapon ng umaga, Martes, 5 Marso.

Layunin ng proyekto na nagkakahalaga ng P9,460,621, pinondohan sa pamamagitan ng 2022 Seal of Good Local Governance Incentive Fund, na masolusyonan ang problema sa pagbaha sa pamamagitan ng episyenteng pagkontrol dito, at magbigay ng maayos na daraanan ng maruming tubig, tubig mula sa ulan, at run offs sa lugar.

               Ayon kay Fernando, sa pamamagitan ng proyekto, matutugunan ng lalawigan hindi lamang ang pagbaha kundi pati na rin ang panganib na dulot ng stagnant waters, na nagiging sanhi ng sakit at iba pang banta sa kalusugan at kaligtasan.

“Sa bawat hakbang natin tungo sa kaunlaran, patuloy nating tinitiyak ang kaligtasan at kaginhawaan ng bawat isa. Ito po ang tunay na simbolo ng Seal of Good Local Governance na pitong magkakasunod na taon na nating nakakamit — ang gumawa ng mga paraan upang maramdaman ng bawat isang mamamayan ang tapat at mapagkalingang paglilingkod ng ating pamahalaan,” anang gobernador.

Para kay Timbreza, binati niya ang lalawigan ng Bulacan sa pagkakamit ng SGLG award at sa matagumpay na implementasyon ng drainage project.

“Protektahan po natin at i-maintain po natin ang proyektong ito. Pagmalasakitan po natin ang proyektong ito. ‘Wag magtapon ng basura nang sa gayon ay humaba ang service years ng ating drainage system,” aniya.

Samantala, pinirmahan nina Fernando at DILG Bulacan Provincial Director Myrvi Apostol-Fabia ang certificate of turnover and acceptance na sinaksihan nina Timbreza, Bise Gob. Alexis C. Castro, Punong Bayan ng Balagtas Eladio E. Gonzales, Jr., Pangalawang Punong Bayan Ariel Valderama, at Bokal Cezar L. Mendoza. (MICKA BAUTISTA)

About Micka Bautista

Check Also

Flagship ng ICTSI FIRST NEAR-ZERO EMISSION RTGs SA PH

Flagship ng ICTSI
FIRST NEAR-ZERO EMISSION RTGs SA PH

GUMAWA ng isang makabuluhang hakbang ang Manila International Container Terminal (MICT), flagship operation ng International …

020625 Hataw Frontpage

Impeachment vs VP Sara inihain na ng Kamara

ni GERRY BALDO  SA BOTONG 215, sinampahan ng impeachment case ng Kamara de Representantes si …

SM Foundation opens 2025 College Scholarship Application

SM Foundation opens 2025 College Scholarship Application

Continuing the mission of SM Group Founder Henry Sy, Sr. in education, the SM College …

P128-M paihi nasakote ng Customs

P128-M ‘paihi’ nasakote ng Customs

TINATAYANG nasa P128 milyon halaga ng smuggled fuels ang nasamsam ng mga tauhan ng Bureau …

Shamcey Supsup Arte Partylist

Beauty Queen Shamcey Supsup sasabak sa Pasig, Arte Partylist todo suporta

ANG magnaCum Laude, architect at beauty queen na si Shamcey Supsup-Lee ay naghain ng kandidatura …