HATAW! D'yaryo ng Bayan hatawtabloid.com
MATABIL
ni John Fontanilla
SOBRANG happy ngayon ang guwapong host ng It’s Showtime Online na si Bidaman Wize Estabillosa dami ng proyektong ginagawa at ito ay utang niya sa It’s Showtime.
Ayon kay Wize, simula ng maging isa siya sa host ng It’s Showtime Online, marami na ang kumukuha sa kanya para mag-host sa corporate event at pageants.
Kaya naman sobra-sobrang pasasalamat ang gusto nitong ibigay sa pamunuan ng show at sa kanyang management.
Bukod sa It’s Showtime Online ay kaliwa’t kanan ang hosting nito lalo na’t sunod-sunod ang mga pageant sa bansa.
Isa rin si Wize sa mga nominado sa Star Awards for Music para sa kategoryang Best New Male Recording Artist na malalaman na ngayong Abril kung siya ba’y papalaring maiuwi ang kanyang kauna-unahang Star Awards trophy.
