MATABIL
ni John Fontanilla
PANGARAP ng singer & composer na si Mia Japson na makasama sa isang musical play sa ibang bansa ang idolong si Lea Salonga.
Bata pa si Mia ay idolo na si Lea kaya naman ang makasama ito sa isang project ay katuparan na ng isa sa kanyang pangarap.
Katulad ni Lea ay bata ring nagsimula sa pagkanta at pag-arte si Mia na nag-aral din sa Repertory Philippines.
Ngayon ay unti-unti nang natutupad ang kanyang pangarap na kamakailan ay ini-release ang single niyang Pintig mula sa komposisyon ni Maestro Vehnee Saturno na soon ay magiging available na sa lahat ng streaming apps gayundin ang lyrical video na mapapanood na sa Youtube.
