Wednesday , April 17 2024
Jaclyn Jose Andi Eigenmann Gabby Eigenmann

Andi  durog na durog sa biglang pagpanaw ng inang si Jaclyn; kumbinsidong walang foul play

ni MARICRIS VALDEZ

ATAKE sa puso o myocardial infarction ang tunay na dahilan ng pagkamatay ng beteranang aktres na si Jaclyn Jose noong Sabado ng umaga, March 2.

Ito ang binigyang nilinaw ng kanyang anak na si Andi Eigenmann kahapon ng hapon nang emosyonal na humarap sa media para ihayag ang tunay na dahilan ng pagkamatay ng kanyang ina. 

Kasama ni Andi ang kuya niyang si Gabby Eigenmann nang humarap sa media at sinabing, “At the age of 60 on the morning of March 2, 2024 due to myocardial infarction or heart attack. We’d like to thank everyone who was send extended prayers and condolences to us.”

Anang aktres,  hayaan silang magluksa at sana ay matigil na ang mga haka-haka kung ano ang ikinamatay ng kanyang ina.

“Just like to say that her undeniable legacy will definitely forever live on through her work, through her children, through her grandchildren, and the many lives she’s touched.

“She herself, her life itself was her greatest obra maestra thank you,” umiiyak na pahayag ni Andi.

At habang isinusulat ang balitang ito ay nasa Arlington Memorial Chapels sa Araneta, Quezon City ang labi ni Jaclyn para i-cremate ito. 

Ang isang kapatid ni Andi na si Gwen Garimond Ilagan Guck na nag-aaral sa Amerika ay wala pang balita kung makauuwi ito ng Pilipinas.

Samantala, isa ang aktor na si Jake Ejercito (dating nakarelasyon ni Andi at ama ng anak nilang si Ellie) sa mga unang nagtungo sa kinalalagakan ng bangkay ni Jaclyn.

Kampante naman si Andi na walang foul play sa pagkamatay ng kanyang ina.

Ayon sa pamunuan ng Philippine National Police (PNP) nakiusap ang immediate family ni Jaclyn na huwag nang isapubliko  at pag-usapan ang resulta ng isinagawang imbestigasyon.

Ang SOCO (Scene of the Crime Operatives) ng PNP ang agad na rumesponde noong Linggo sa bahay ng aktres sa Quezon City nang matagpuan itong wala ng buhay.

Ayon sa PNP-Public Information Office (PNP-PI Chief Col Jean Fajardo, kumbinsido ang mga naulilang pamilya ni Jaclyn na walang foul play o anumang kaduda-duda sa pagkamatay nito. 

The family is asking for privacy and they believe that there is no foul play in her death. We are sympathizing with her family and friends,” ani Col Fajardo sa isinagawang press briefing.

“In deference po sa request po ng family for some privacy ay we opted not to discuss further the case involving Miss Jaclyn Jose.

“But naniniwala naman po sila at convinced naman po sila na wala pong foul Play,” dagdag pa ni Fajardo.

Natagpuang wala ng buhay si Jaclyn noong Linggo ng gabi subalit Sabado, March 2 pa pala ito pumanaw, ayon din sa report.

Ang taos pusong pakikiramay ng Hataw sa pamilya na naiwan ni Ms Jaclyn. 

About Maricris Valdez Nicasio

Check Also

Hajji Alejandro Rachel Alejandro Gino Padilla

Hajji never pang nabastos ng mga batang celebrity

HINDI pa raw nakaranas si Hajji Alejandro na may nakababatang celebrity na bastos o walang respeto. “Kasi …

Streetboys

Streetboys, Manoeuvres, UMD magsasama-sama sa isang concert

RATED Rni Rommel Gonzales NASA Pilipinas ngayon si Spencer Reyes, ang sikat na dancer na member …

Ina Raymundo Will Ashley Adolf Alix Jr

Will itinodo acting sa intimate scenes kay Ina

HARD TALKni Pilar Mateo X & Y.  Sa alphabet kahit nasa dulo, powerful na mga letra. Ginagamit …

Lipa Batangas

Lipa City dinaragsa ng mga turista

DINARAYO ngayon ang Lipa City dahil sa kanilang mga tourist spots at dahil na rin …

Kaye Abad John Lloyd Cruz Chito Miranda Paolo Contis Patrick Garcia

Kaye inamin nahirapang mag-move on noon kay John Lloyd

MA at PAni Rommel Placente SA guesting ni Kaye Abad sa Fast Talk With Boy Abunda ng GMA-7 noong Biyernes, napag-usapan …