Sunday , April 14 2024
San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM

HINDI nakaligtassa kamatayanang isang 80-anyos lolang deboto at miyembro ng choir,sa mga pinsalang dulot ng pagbagsak ng inaanay na palapag ng simbahang San Pedro Apostol sa Barangay Tungkong Mangga, sa City of San Jose del Monte, sa sakunang naganap kahapon, Miercoles de Ceniza, 14 Pebrero 2024.

         Sa opisyal na ulat ng Philippine National Police (PNP), una nilang nakalap ang impormasyon na mahigit 4o ang nasaktan dahil sa insidente ng pagbagsak, ngunit paglaon ay nabasa nila sa social media pages na namatay ang isang biktima.

         Bukod sa namatay na si Morales, umabot sa 52 deboto ang nasugatan at itinakbo sa iba’t ibang ospital sa loob ng lungsod ng San Jose del Monte hanggang sa ilang ospital sa Caloocan at Quezon City.

         Naganap ang insidente ng pagbagsak ng isang bahagi ng palapag dakong 7:30 am, sa bahaging nagpupunas ng abo sa noo sina Fr. Divino Albrin “Dave” Cayanan at ang ilang lay ministers.

         Sa panayam ng HATAW sa isang miyembro ng choir, kinilalang si Neth Guanlao, may narinig silang ugong at sigawan, saka namatay ang koryetne, kasunod ng pagbagsak ng palapag na gawa sa kahoy.

         Ayon sa ilang parishioners, ang bumagsak na palapag ay halos tatlong dekada na o kasing tanda ng simbahan na itinayo noong dekada 90.

         Inamin ng Parish Priest na si Fr. Romulo Perez, ang nasabing palapag ay hindi tinatantanan ng mga anay.

         Bunsod ng insidente, ipinag-utos ni Obispo Dennis C. Villarojo, na suriin at tiyakin ang kalagayang estruktural ng lahat ng mga simbahan sa Diyosesis ng Malolos lalo ngayong panahon ng Kuwaresma.

Nagpaabot ng pakikiramay ang Obispo ng Malolos sa pagkamatay ng deboto at siya mismo ang naggawad ng huling sakramento — ang pagpapahid ng Santo Oleo sa noo ni Morales. 

Personal na binisita ni Obispo Villarojo ang mga nasugatan at nagpapagaling sa mga ospital, at ang Parokya ng San Pedro Apostol upang inspeksiyonin ito.

“We pray for the eternal repose of the faithful departed and we offer our sincere condolences and assurance of assistance to the family. As we pray for healing and consolation to all those affected, we invoke the consoling motherly care of the Blessed Virgin Mary and the steadfast faith of St. Peter,” pahayag ng Obispo.

         Kahapon, nahindik sa naganap na insidente ang mga deboto at mamamayan ng San Jose del Monte ngunit marami ang nagpasalamat dahil naging mabilis ang pagkilos at pagtugon nina Parish Priest Romulo Perez at ang Parochial Vicar Dave Cayanan.

Nagresponde rin ang iba’t ibang rescue team sa Lungsod ng San Jose del Monte at maging ng barangay na nakasasakop kaya agad naitakbo sa iba’t ibang ospital ang mga biktima.

Sa kanyang social media post, sinabi ni Mayor Arthur Robes, personal niyang tinungo at inalam ang sitwasyon sa nangyaring insidente sa St. Peter Apostle Parish Church.

“Agad pong nagresponde ang ating San Jose del Monte City Police Station, Bureau of Fire Protection, City Engineering Office, CTM SCOG, CHO, at CDRRMO.

“Ipinagagamot din po natin ang mga kababayan nating nasugatan at naapektohan dahil sa pangyayaring ito.

“Mag-a-update po tayo at magbibigay ng buong detalye maya-maya lamang,” pagtitiyak ng alkalde.

“Suwerte lang din po na ‘yung pagkabagsak (niya), hindi ‘yung totally na bagsak nang buo kundi nagdahan-dahan. Nakatakbo po ‘yung ibang tao. Mayroong mga napilayan, nasugatan,” ani Robes.

Nakakordon pa rin ang paligid ng simbahan habang patuloy ang clearing operation ng mga awtoridad.

(Mga retrato at video clips mula sa netizens, Bulacan Public Information Office (PIO), at San Jose del Monte  Facebook page)

About Micka Bautista

Check Also

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Krystall herbal products

PT bilib sa panggagamot ng lolang hilot katuwang ang Krystall herbal products

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …