RATED R
ni Rommel Gonzales
NANGGAGALAITI sa galit ang maraming viewers sa painit na painit na mga kaganapan tuwing hapon sa revenge drama series ng GMA Public Affairs na Makiling. Hook na hook ang marami sa panonood kaya naman consistent ang pamamayagpag nito sa parehong TV at online ratings.
Sey nga ng netizens, hirap na silang i-contain ang kanilang mga emosyon dahil nakagigigil at nakaha-highblood ang mga kontrabida sa serye. Excited na sila sa pagdating ni Amira version 2.0 para naman maipaghiganti ang kanyang sarili pati na rin ang mga inosenteng natapak-tapakan ng Crazy 5. Intrigang-intriga na rin sila sa mga susunod na eksena ngayong unti-unti nang nare-reveal ang sikreto ng mga karakter.
