PUSH NA’YAN
ni Ambet Nabus
MAPAPA-HAY ka na lang din talaga sa mga naglabasang “fake products” ng Luxe Slim, ang pinag-uusapang brand ngayon na ini-endorse ng mga kilalang personalities gaya nina Dominic Roque, Vice Ganda, Tony Labrusca, Small Laude, Zeinab, Pau Fajardo at marami pang iba.
Worried ang mismong may-ari ng kompanyang si Anna Magkawas dahil kahit ang kanyang sariling photo at pirma ay ginagamit ng mga “online sellers” sa mga naloloko nilang clients.
Kuhang-kuha nila ang style at pag-pakete ng ilang products, though may mga differences sa font, sa pagiging glossy, at sa mismong produkto lalo na ‘yung kanilang Cafe Macchiato.
Mabisa para sa mga nagda-diet ang naturang kape plus mayroon pa itong mga benepisyo sa health and beauty.
Pinag-iingat ang mga consumer na mas maging mapanuri sa mga binibili nila sa online at i-double check ang mga site na kanilang pinupuntahan.
Kung wala pang daang libo o nasa milyon ang subscribers ng Luxeslim site, tiyak na peke raw po iyan.
May inihahanda ng legal action laban sa mga naturang fake sites and sellers.
